foto: kapital.kz
«Qańtar aıynyń qorytyndysy boıynsha Qazaqstan ekonomıkasynyń ósý qarqyny 3,9% qurady. Onyń ishinde naqty sektor – 3,8%-ǵa, al qyzmet kórsetý salasy 3,5%-ǵa ósti. Salalar arasynda eń joǵary ósimdi qurylys (12,8%-ǵa ósý), kólik jáne qoımalaý (11,4%-ǵa), aqparat jáne baılanys (10,6%-ǵa), sondaı-aq óńdeý ónerkásibi (6,9%-ǵa) kórsetti. Negizgi kapıtalǵa salynǵan ınvestısııalardyń ósý qarqyny 0,6%-dy qurady», dedi mınıstr.
Baıbazarov ataǵandaı, ınvestısııalar aǵyny bilim berýde – 3,6 esege, qarjy jáne saqtandyrý qyzmetinde – 3 esege, kólik jáne qoımalaýda – 2,1 esege, qurylysta – 2 esege, aqparat jáne baılanysta – 20,9%-ǵa, sondaı-aq óńdeý ónerkásibinde 15,8%-ǵa ósti.
«О́ńirler arasynda eń joǵary ósim Jetisý (2,1 ese ósý), Ulytaý (52,3%-ǵa), Jambyl (40,4%-ǵa) jáne Almaty (34,4%-ǵa) oblystarynda baıqaldy. Aldyn ala qorytyndy boıynsha 2023 jyly syrtqy saýda taýar aınalymy 3,2%-ǵa ósip, 140 mlrd dollarǵa jýyqtady. Eksport 79 mlrd dollarǵa jýyqtap (7%-ǵa tómendeý), onyń ishinde óńdelgen taýarlar eksporty 25 mlrd-tan asa dollardy qurady.Taýarlar ımporty 61 mlrd dollardan asty (20,1%-ǵa ósý). Jalpy, oń saýda balansy 18 mlrd dollarǵa jýyq», dedi Baıbazarov.
Mınıstrdiń aıtýynsha, óńdeý ónerkásibinde oń ósý saqtalyp otyr. О́ndiris kólemi 6,9%-ǵa ósti.
«Kórsetkishtiń ósýi 14 óńirde tirkeldi. Sonyń ishinde eń joǵary ósýdi Aqtóbe (34,7%), Shyǵys Qazaqstan (28,7%), Qyzylorda (22,1%) jáne Abaı (12,1%) oblystary kórsetti», dedi ol.
