Foto: Ashyq derekkóz
Búgin osy jaǵdaıǵa baılanysty oblystyq bilim basqarmasynyń basshysy Asqarbek Esjanov jýrnalısterge máseleniń mán-jaıyn aıtyp berdi. Basqarma basshysynyń aıtýynsha, oqıǵa 12 aqpan kúni 14:00-den keıin bolǵan. Aldyn-ala tergeý amaldary №189 orta mekteptiń 9 synyp oqýshysynyń ólimine balalar arasyndaǵy kıkiljiń sebep bolǵanyn anyqtady.
«Osyǵan baılanysty oblys ákiminiń tapsyrmasymen oblys ákiminiń orynbasary, qala ákimi qaıtys bolǵan balanyń otbasyna baryp kóńil aıtyp, qajetti kómek kórsetildi. Degenmen de «tas túsken jerine aýyr» ekendigin túsinemiz. Biz ár balanyń ómiri men qaýipsizdigine jaýaptymyz. Tárbıe salasyn baqylamaǵany úshin mektep dırektory men onyń osy salaǵa jaýapty orynbasary qyzmetinen bosatyldy», dedi basqarma basshysy.
Keshe áleýmettik jelide «bala pyshaq jaraqatynan qaıtys bolypty», degen de aqparat taraǵan. Bul negizsiz áńgime. Aldyn ala tergeý barysynda bala ólimine qatysy bar degen kúdikke bir oqýshy ilindi. Ol sol mekteptiń onynshy synyp oqýshysy bolyp shyqty. Qazir jaǵdaı jan-jaqty tekserilip jatyr.
