Foto: Týrızm jáne sport mınıstrligi
Qamshybek Qońqabaev 1991 jyly 18 qarashada Qyzylorda qalasynda dúnıege kelgen. Bokspen 2006 jyldan beri shuǵyldanady. Onyń boksqa ıkemi bar ekenin baıqaǵan aǵasy Asqar Qońqabaev Qamshybekti boks úıirmesine jetelep alyp barǵan. Asqar Qońqabaev ta kezinde bokspen aınalysqan.
«Boks úıirmesine kelip, alǵashqy jattyǵýdan keıin osy sport túrin birden unattym. Sodan, aldyma álem jáne Olımpıada chempıony bolamyn degen maqsat qoıdym. Mine, búginde sol bala kúngi arman-maqsatyma jetý jolynda tynbaı eńbek etip kelemin», dedi Qamshybek Qońqabaev.
Tájirıbeli sportshyny 2006 jyldan beri Seıitjan Tókenov jattyqtyrady. Qamshybektiń jeke bapkeri shákirtin áli kúnge syndarly saıystarda shyńdap, jarystarǵa baptap júr.
Qamshybektiń ózi sport jolyndaǵy eń qıyn túsken jarys Tokıo Olımpıadasy ekenin aıtty.
«О́z basym, qatysqan týrnırlerimdi ońaı-qıyn dep bólmeımin. Barlyq jarysqa júz paıyz daıyndalyp, el namysyn abyroımen qorǵasam eken dep baramyn. Dese de, úlken dúbirili dodalardyń jartylaı fınaly, fınal jekpe-jekteri árqashan tartysty ári qıyn ótedi. О́ıtkeni kil myqtylar iriktelip keledi. Al kareramda fızıkalyq jaǵynan, psıhologııalyq turǵydan qıyn bolǵan jarys – Tokıo Olımpıadasy. О́ıtkeni jarystyń atmosferasy, aýrasy basqa dodalarǵa qaraǵanda erekshe», dedi boksshy.
Qazir Qamshybek tórt jyldyqtyń basty básekesine qyzý daıyndalyp jatyr.
«Olımpıadaǵa daıyndyq oıdaǵydaı júrip jatyr. Almaty oblysyndaǵy «Aqbulaq» Olımpıadalyq ortalyǵynda Ázerbaıjan boksshylarymen birlesken oqý-jattyǵý jıynyn ótkizip jatyrmyz. Olımpıadaǵa az ýaqyt qaldy. Parıjdegi dodada sátti óner kórsetip, armanymyzǵa qol jetkizý úshin daıyndyqty bir sátke de toqtatpaı, únemi sheberligimizdi shyńdap otyrý kerek», dedi Qamshybek Qońqabaev.
Qamshybek bokstan bólek dop tepkendi de unatady. Sondyqtan oqý-jattyǵýdan, jarystardan qoly bosaı qalǵanda dostarymen fýtbol oınaıdy. Sonymen qatar bos ýaqytynda otbasyna kóńil bólip, bala-shaǵasymen qydyrǵandy jaqsy kóredi.
