Aımaqtar • 14 Aqpan, 2024

Atyraý oblysynda kúkirt tıelgen 7 vagon relsten shyǵyp ketti

425 ret
kórsetildi
1 mın
oqý úshin

Atyraý oblysynda júk poıyzynyń 7 vagony temirjoldan jartylaı shyǵyp ketti. Vagondarǵa «Teńiz» ken ornynan alynǵan kúkirt tıelgen.

Atyraý oblysynda kúkirt tıelgen 7 vagon relsten shyǵyp ketti

Atyraý oblystyq tótenshe jaǵdaılar departamenti qoǵammen baılanys tobynyń aqparatyna súıensek, oqıǵa búgin, 14 aqpanda tirkelgen

«Búgin, 14 aqpanda jergilikti ýaqytpen saǵat 03:25-te Jylyoı aýdany, Qulsary temirjol stansasyna qarasty №11-temirjolda júk poıyzynyń vagondary relsten jartylaı shyǵyp ketkeni tirkeldi. Júk vagondaryn alyp kele jatqan tepolvozdyń «Teńizshevroıl» JShS-ǵa tıesili ekeni anyqtaldy. Júk poıyzynyń quramynda 62 vagon bolǵan. Kúkirt tıelgen vagondardyń 7-eýi relsten jartylaı shyǵyp ketti». dep habarlady departamenttiń qoǵammen baılanys toby.

Vagondardan kúkirt tógilmegen. Eshkim zardap shekpegen.

Jóndeý-qalpyna keltirý jumystaryn júrgizý úshin Maqat aýdanynan arnaıy poıyz jolǵa shyqty.