foto: Almaty TJD baspasóz qyzmeti
14 aqpanda saǵat 08:00-den 15:00-ge deıin qar kóshkini júrýi múmkin aýmaqtardy tekserý barysynda «Qazseleqorǵaý» mamandary Almaty qalasynyń Kishi ózeni basseıninde ózdiginen qar kóshkinin anyqtady.
«Barlyǵy 9 qar kóshkini anyqtalyp, jalpy kólemi 4100 tekshe metr qardy qurady. Kóshkinderdiń kópshiligi jetý qıyn jerlerde, joldar men nysandardan alys jerlerde boldy. Zardap shekkender joq», dep habarlady «Qazseleqorǵaý» memlekettik mekemesi.
Sondaı-aq eskertý taqtalarynyń aldyn ala ornatylǵany atap ótildi. Almaty qalasynyń Kishi ózeni alabyndaǵy «Shymbulaq» kompanııalar tobynyń ústinde qar kóshkini qaýpi bar aımaqqa halyqtyń kirýine shekteý qoıý úshin polısııa bólimi men «Qazseleqorǵaý» memlekettik mekemesi birlesip baqylaý-ótkizý beketi ornatyldy.
