Múmkindik te, tájirıbe de bar

Úkimettiń keńeıtilgen otyrysynda Prezıdenttiń av­tojol salasyna, ondaǵy jer­gilikti mamandarǵa múm­­kin­dik berý týraly tap­syrmasy meni aıryqsha qýantty.

Shynymen de qazir bul salada óz maman­da­ry­myz­dyń tájirıbesi tolysyp, tehnıkasy tolyqty. «Batys Eýropa – Batys Qytaı» jolyn salý barysynda jobany utyp alǵan Italııa, Túrkııa kompanııalary jergilikti seriktestikterdi qosalqy merdiger retinde jaldap, bar jumysty solar atqardy. Odan keıin de jol salasyna qatysty jergilikti jobalarda «ÝAD», «Dorstroı», «Qyran» kompanııalary talaı kúrdeli jumystardy júzege asyryp júr. Qazir Qyzylorda oblysyndaǵy jol sapasy kóp óńirmen salystyrǵanda kósh ilgeri turǵany osyndaı jergilikti kompanııalardyń arqasy der edik. 

Bıyl «Batys Eýropa – Batys Qytaı» halyqaralyq dá­liziniń «Qyzylorda – Aqtóbe­» aralyǵyn keńeıtý ju­mys­­ta­ry bastalady. Bul rette de óz mamandarymyzǵa se­nim bildirgenimiz jón bolar edi.

Prezıdent jol qury­ly­syna qajetti tehnıkany elimizde shyǵarý joldaryn damytyp, ózimizdiń daıyn ónimdi paıdalaný kerektigin basa aıtty. Bul da óte ózekti másele. Osy kúni salynyp jatqan «Qyzylorda – Jez­qaz­ǵan» kúre jolyna qajetti materıaldardyń basym bóligi ózimizdiń óńirden tabylyp otyr. Prezıdent eldegi bar­lyq joldyń sapaly bolýy kerektigin basa aıtty. Bul – salaǵa úlken jaýapkershilik júkteıdi.

О́mirbek ShÁMENOV,

Qyzylorda oblystyq jol salasy qaýymdastyǵynyń prezıdenti