Foto: Ashyq derekkóz
Sátti ótken kesar operasııasyn óz isiniń maıtalmandary – hırýrgter – Azamat Erjanov pen Baqyt Ábisheva júrgizdi. Osylaısha, salmaǵy 2360 jáne 2420 gramm bolatyn eki ul, 2050 gramm qyz bala dúnıege keldi.
Uldardyń biri týylǵannan keıin jaǵdaıǵa baılanysty bir apta boıy reanımasııa bóliminde neonatologtardyń táýlik boıy baqylaýynda bolyp, barlyq qajetti medısınalyq emdeý júrgizildi. Qalǵan eki náresteniń jaǵdaıy qalypty bolǵandyqtan, patologııa bólimindegi anasynyń janynda boldy.
Úshem tapqan ana medısına qyzmetkerlerine alǵysyn jaýdyryp: «Joǵary kásibıliktiń, erekshe qamqorlyq tanytqandaryńyzdyń arqasynda úsheýin de aman-esen ómirge ákeldim. Barlyq medısına qyzmetkerine osyndaı qıyn da jaýapty eńbegi úshin shyn júrekten alǵys bildirgim keledi! Dárigerlerdiń arqasynda balalarym mine, menimen birge, búgin úıge shyqqaly otyrmyz», deıdi.
