Sýretti túsirgen – avtor
Qystaı jaýmaǵan qar aqpanda japalaqtady. Borady, burqasyndatty. О́skemen men aýdandardyń arasyndaǵy joldar bir jabylyp, bir ashylyp tur. Osyndaıda jol kúreıtin aýyr tehnıkalarmen qatar, jol patrýldik polısııasy árqashan birge júr.
– Aýa raıynyń qolaısyz kúnderi jol boıynda júrý árıne, ońaı emes. Kezegimizge qaraı kún-túni qar qursaýynda qalyp qoıǵandarǵa kómek kórsetý – kúndelikti jumysymyz. Onyń bárin aıta berip qaıtemiz?! Keı-keıde jol bastap, eldi mekenderge deıin jetkizip tastaımyz, – deıdi jol-patrýldik polısııasynyń qyzmet ınspektory Aıbek Kostýbaev.
Kúni keshe ǵana qutqarýshylar men polısııa qyzmetkerleri aq tútek boranda qalyp qoıǵan avtokólikter kolonnasyna kómek kórsetti. «О́skemen – Tarǵyn – Samar» baǵytyndaǵy kúre jolda, Joǵary Taıynty aýylynyń mańynda borannyń saldarynan jolda qalǵan 15 jeńil avtokólik pen 30 adamnyń, sonyń ishinde 4 balany Tarǵyn aýylyna deıin jol bastap, qaýipsizdigin qamtamasyz etip jetkizip tastady. Ári qaraı avtokólikter ózderi qozǵalystaryn jalǵastyrdy. Al qar alyp qalǵan joldy tazalaýǵa «OblShyǵysJol» uıymynan aýyr tehnıka jumyldyryldy.
Sondaı-aq dál osy kúnderi «О́skemen – Almaty» tas jolynda turyp qalǵan jolaýshylar da qutqarýshylar kómegine júgingen. Olardyń arasynda aıaǵy aýyr áıel, bir bala, eki qarııa bolǵan. Kómekke TJD shuǵyl qutqarý jasaǵy «Kamaz-Vahta» avtokóligimen kelip, 13 jolaýshyny О́skemen qalasyna jetkizdi.
Qarǵa ombyǵyp qalyp, shyǵa almaı jatqan kólikter qanshama?! Onyń bárine múmkindikterine qaraı polısııa qyzmetkerleri, qutqarýshylar kómek qoldaryn sozyp júr. Júrgizýshiler de bir-birin súırep álek.
Aqpandaǵy aýa raıynyń qolaısyz bolýyna baılanysty ShQO TJD qabyrǵasynda jedel shtab quryldy. Olar azamattarǵa 87232-55-38-19 telefon nomeri boıynsha qyzmet kórsetedi. Jalpy, qutqarýshylar, polısııa qyzmetkerleri daýyldy eskertý jarııalanǵannan keıin turǵylyqty eldi mekenderden alys shyqpaý kerektigin únemi eskertip otyrady. Qaladan shyǵa beriste polısııa patrýldik qyzmetkerleri júrgizýshilerge eskertý qaǵazdaryn da taratyp, únemi túsindirý jumystaryn da júrgizip júr. Sonymen qatar joldardyń ashyq-jabyqtyǵy týraly «Darmen» mobıldi qosymshasy arqyly bilip otyra alasyz. Tótenshe jaǵdaılar kezinde 112 nómiri boıynsha habarlasa alasyzdar.
Dese de, eskertýlerge qulaq aspaı, aınalma joldar arqyly eldi mekennen shyǵyp ketetin júrgizýshiler bar. Aýyl, qala ishterinde burqasyn baıqalmaǵanymen, syrt jaqta at qulaǵy kórinbes aq boran soǵyp turatynyn eskermeı jatady. Ondaı jaǵdaıda, Ákimshilik kodekstiń 667-babymen, ıaǵnı jabyq jolǵa shyqqany úshin hattama toltyrylyp, aıyppul salynady. Aıyppuly da az emes. 30 AEK kóleminde nemese 15 táýlikke qamaýǵa alynady. Odan buryn, joldaǵy qaýip bar. Sondyqtan TJD mamandary men polısııa qyzmetkerleriniń eskertýine qulaq asqan abzal.
Shyǵys Qazaqstan oblysy
