Infografıkany jasaǵan – Záýresh SMAǴUL, «EQ»
«Birinshisi – ınfraqurylym jasaý, ekinshisi – tasymaldaý. Infraqurylym jasaý boıynsha Qytaıdyń Lıanıýngan portynda Qazaqstan termınaly ashylǵan. Onyń qýaty – 220 myń tonna. Budan bólek, bıyl birinshi kezeń aıasynda Sıan portynda taǵy bir jańa Qazaqstan termınaly ashyldy. Onyń qýaty – 66 myń tonna. Lıanıýngan portymen birge Qorǵasta arnaýly qurǵaq júkterge arnalǵan termınal salyndy. Odan keıin Almatyda Sıan portymen birge qurǵaq júkterge arnalǵan arnaıy termınal qurylysyn bıyl bastaımyz. Sonymen qatar Lıanıýnganmen taǵy bir jobany qolǵa alyp, Aqtaýda arnaýly termınal salamyz», dedi M.Qarabaev Senatta sóılegen sózinde.
Aıtýynsha, el ishindegi júkterdi syrtqa shyǵarý baǵytynda Ázerbaıjannyń Alıat portynda «Abu Dhabi Ports» kompanııasymen birge termınal salý kelesi jylǵa josparlanǵan. Al Grýzııanyń Potı qalasynda otandyq jeke kásipker qýaty 480 myń tonnalyq termınal salǵan. Oǵan QTJ konsorsıým retinde kirdi. Qytaıdan Eýropaǵa deıin ınfraqurylym salý baǵytyndaǵy jospar jáne atqarylǵan jumys osy. Iаǵnı Qytaı aýmaǵynda 1 termınal salyndy. Bıyl 2 termınal qurylysy bastalady. Kelesi jyly taǵy 2 termınal salý josparlanǵan.
Mınıstr júk tasymaldaý baǵytyna da toqtalyp, QTJ-nyń sıngapýrlyq «PSA International Pte Ltd» kompanııasymen birlesip, Transkaspıı kólik dálizi boıynsha júkterdi tasymaldaıtyn biryńǵaı kompanııa qurǵanyn málimdedi. Osy kompanııa Eýropa men Qytaı arasynda júkterdi tasymaldaýmen aınalyspaq. Reseıden Iran men Pákistanǵa shyǵatyn jol boıynsha «Abu Dhabi Ports» kompanııasymen ekijaqty kelisimshartqa qol qoıylyp, enshiles kompanııa ashyldy. Biraq júk tasymaldaý áli bastalmaǵan.
«QTJ» UK Basqarma tóraǵasy Nurlan Saýranbaev jolaýshylar tasymaly jáne jol sapasyna qatysty saýaldarǵa jaýap berdi.
«Qazaqstanda búginde 16 myń km temirjol bar. 2,5 myń km joldyń paıdalaný merzimi ótken. Prezıdent tapsyrmasymen 2030 jylǵa deıin 11 myń km jolǵa jóndeý júrgizý josparlanyp otyr. Byltyr temirjoldaǵy jóndeý jumystary eki ese kóbeıdi», dedi ol.
О́tken jyly lokomotıvterdiń kúrt jetispeý qaýpi oryn alǵan. Degenmen aldyn ala tapsyrystyń arqasynda 119 lokomotıv satyp alynypty. Bıyl – 194, 2025 jyly 245 lokomotıv satyp alynbaq. Osylaısha, bul turǵydaǵy qajettilik tolyǵymen sheshilýge tıis. Spıkerlerdiń málimetinshe, temirjolda jyldan-jylǵa júk kólemi de, aınalym da artyp keledi. Mysaly, byltyr júk kólemi 297 mln tonna rekordtyq kórsetkishke jetse, júk aınalymy 7 paıyzǵa ósken.
