Balalardy qolónerge baýlıdy

Tereńsaı – Áıteke bı aýda­nynyń ortalyǵy T.Júrgenov aýylynan 107 shaqyrym jerde, Aqtóbeden Qostanaıǵa baratyn tasjoldyń boıynda ornalasqan qıyrdaǵy aýyl. Elimiz táýelsizdik alǵan jyldary týǵan jerinde eńbek jolyn bastaǵan jas maman sodan beri talaı ómir belesinen ótse de aýylynan uzap ketpedi, súıikti mamandyǵynan qol úz­gen joq. On saýsaǵynan óner tamǵan sheber ul-qyzdar­dyń kórkem eńbek pánine de­gen qyzyǵýshylyǵyn art­tyryp qana qoımaı, olar­dyń ıkemdiligine qaraı boı­la­ryndaǵy qabiletterin asha biledi. Eńbekke baý­lýdy bir qaraǵanda usaq-túıek bolyp kórinetin jumystardan bastaıdy. Qo­symsha sabaqtarda er balalardy shege qaǵyp, kúrek saptaý, bilik temirlerdi joný, taqtaı súrgileýge úıretedi. Jasy­ratyny joq, qazirgi kezde aýylda shegeni túzý qa­ǵa almaıtyn, kúrek saptaı bilmeıtin aqsaýsaq bala kóbeıip barady. Úı sharýa­shylyǵyna jastaıynan ıkemdelmegen jetkinshek óskende kóp jaǵdaıda sharýaǵa qyr­syz bolyp qalady. Bala tárbıe­sindegi osy olqylyqtyń ornyn toltyrý úshin tehno­logııa pániniń muǵalimi qara­paıym qaǵıdalarǵa súıen­gendi jón kóredi. Sol úshin de sabaqtan tys ýa­qytta mek­tep­te «Qolóner», «Sheber qol­dar» úıirmelerin uıymdas­tyrdy. Qoly bos kezde úıin­de ult­tyq naqyshtaǵy dú­nıeler jasaıdy. Aǵashtan túrli buıym jasaǵandy jany súıedi. Qolónerge qajetti ma­terıaldy aýyl arasynan izdeıdi, aýdan ortalyǵynan aldyrtady. Sheber qajetti materıaldardyń tez tabylmaıtynyna qapaly, «Qolónerge qajetti zattar tolyp tursa, ýaqytymyz únemdeler edi, balalardy úıretý de ońaıǵa túser edi», deıdi ol. Aýyl mek­tepterin tehnologııa pánine qajetti túrli quraldarmen, ma­terıal­darmen jetkilikti túr­de qamta­ma­syz etse, oqýshy­lar­dyń kásip­tik daǵ­dylardy meńgerý sapasy da artatyny ras.

Qolda bardy uqsatyp júrgen sheberdiń shákirtteri shetinen ónerli. Tereńsaı aýy­lyndaǵy balabaqsha, mádenıet úıiniń kireberisterine oqý­shylardyń qoldan jasaǵan sándik buıymdary qoıylǵan. Aýdandyq, oblystyq, res­pýb­­­lıkalyq sheberlik baı­qaýlary men kórmelerde Sa­mat Aman­ǵos­ulynyń oqý­shylary júl­deli oryndardy ıelenip júr. Sheberdiń shákirt­teri qol­ónerdi maman­dyqqa aınal­dyryp, keıbiri Aqtóbe qala­synda jıhaz jasaıtyn sehtarda eńbek etse, endi biri túrli saladaǵy dızaı­ner maman­dyqtaryn tań­dady. Tereń­saı­dyń topy­raǵynan túlegen jastar Samat aǵaıynan alǵan tárbıe men ónegeni ómirde óz maq­­sattaryna paıdalana bil­gen­derine rıza. О́ıtkeni ónerli jan qaı kezde de qajet.

Aqtóbe oblysy