foto: bulak.kg
Jaratýshy ıemiz oraza kezinde pendelerine keıbir jaǵdaıda oraza ustamaýǵa ruqsat etken. Sonyń biri - eger adam alys saparǵa shyǵatyn bolsa, sol kezde oraza ustaý mindet bolyp eseptelmeıdi.
«Alys jolǵa (shamamen 90 shaqyrym) shyqqan jolaýshyǵa Ramazan aıynda oraza tutpaýǵa ruqsat etiledi. Alla Taǵala Quranda bylaı deıdi: «Senderden kim aýrý nemese jolaýshy bolsa, basqa kúnderde ótesin», dep jazylǵan Múftııattyń jaýabynda.
Degenmen, eger kimde kimniń oraza ustaýǵa qaýqary jetse, aýzyn ashqannan góri orazasyn jalǵastyra bergeni abzal.
Osy turǵyda taǵy bir eskeretin jaıt, tań namazy ýaqyty kirgennen keıin jolǵa shyqqan adam sol kúngi orazasyn buzbaı, sońyna deıin ustaýy tıis. Sebebi, Alla taǵala: «Izgi isterińdi zaıa ketirip júrmeńder» dep buıyrǵan.
