foto: informburo.kz
Depýtat Qaraqat Ábden Oqý-aǵartý vıse-mınıstrligi men Ishki ister mınıstrligine balalardyń býllınge ushyraýy jáne bıleti joq balany avtobýstan túsirip ketken kezde kim jazalatyny týraly saýal joldady.
«Ata-analardyń balalarynyń is-áreketine jaýapkershiligin kúsheıtý maqsatynda Ákimshilik quqyqbuzýshylyq kodekske ata-analarǵa jaýaptylyq berý qarastyrylyp otyr. Jumys tobynda ol talqylanyp jatyr. Sondaı-aq iri qalalarda balalardy avtobýstan túsirip ketý jaǵdaılary bar. Kishkentaı balanyń aqshasy jetpeı qalýy múmkin. Biraq onyń artynda balalardyń tońyp qalýy, qarańǵyda ózge de qaterge ushyraýy múmkin. Osyndaı oqıǵalardyń aldyn alý maqsatynda arnaıy norma engizilip otyr. Mınıstrlik bul zańnamany qoldaıdy. Bul jerde jaýapkershilik avtobýs júrgizýshisi men kondýktorǵa qatysty bolady», dedi oqý-aǵartý vıse-mınıstri Edil Ospan.
О́z kezeginde Ishki ister mınıstriniń orynbasary Igor Lepeha bul norma 14 jasqa deıingi balalarǵa qatysty qoldanylatynyn aıtty.
«Bul bap osyndaı oqıǵalardyń jıi qaıtalanýynyń aldyn alady. Býllıng boıynsha kishigirim jaǵdaılar mektep pen muǵalimder keńesinde sheshiledi. Al iri, aýqymdy jaǵdaılar bolsa, ákimshilik jaýapkershilikti qarastyramyz. Bul – qoǵamnyń suranysy. Sebebi kóptegen quqyq qorǵaý uıymdary, ata-analar óz balalaryna qatysty zamandastarynan býllıngke ushyraıtynyn aıtady. Sondyqtan bul tendensııa da qajet jáne jaǵymsyz faktilerdiń aldyn alýda jumys isteıdi dep oılaımyz», dedi Igor Lepeha.
