Foto: gov.kz
Sondaı-aq atalǵan kezdesýge paıdaly qazbalar men basqa da resýrstardyń, sonyń ishinde sýdyń egjeı-tegjeıli kartasyn jasaýmen aınalysatyn ıspandyq Xcalibur Smart Mapping kompanııasynyń ókilderi de qatysty. Bul málimetter jerasty sýlarynyń oryndaryn barlaý úshin paıdalanylýy múmkin, sonymen qatar olardy izdeý shyǵyndaryn azaıtady.
Ispandyq kásipkerlerdiń aıtýynsha, olardyń tehnologııalary Avstralııada, Kanadada, AQSh-ta, Eýropada keńinen qoldanylady. Sondaı-aq sheteldik qonaqtar birlesken jobalarǵa granttar men qarjylandyrýdy tartý boıynsha kómek qylýǵa daıyn ekendikterin bildirdi.
«Biz ekonomıkada jáne aýyz sýmen qamtamasyz etý baǵytynda qaıta qalpyna keletin jerasty sýlaryn paıdalaný úlesin josparly túrde ulǵaıtýdy maqsat etip otyrmyz. Sondyqtan Ispanııanyń sý resýrstaryn barlaý tájirıbesi óte paıdaly bolýy múmkin. Bıyl bizdiń memleketterimizdiń strategııalyq áriptestigine 15 jyl tolady. Sý – strategııalyq resýrs, sondyqtan biz ekijaqty yntymaqtastyqtyń barlyq múmkin baǵyttaryn mindetti túrde qarastyramyz», dedi vedomstvo basshysy.
