Sýretti túsirgen – Erlan OMAR, «EQ»
Aıtalyq, makaron ónimderi (0,8%-ǵa), kúrish (1,1%-ǵa), qaraqumyq jarmasy (1,5%-ǵa), kúnbaǵys maıy (0,6%-ǵa), súzbe (0,6%-ǵa), kartop (0,5%-ǵa), sábiz (4,8%), pııaz (5,2%), qyryqqabat (0,9%) arzandaǵan. Áleýmettik mańyzy bar azyq-túlik taýarlarynyń baǵasyn ustap turý baǵytynda taýar ıntervensııasy, kúzgi kókónister men áleýmettik mańyzy bar azyq-túlik taýarlarynyń assortımentin ulǵaıtý, taýar óndirýshilermen tikeleı saýda baılanystaryn jolǵa qoıý, aýyl sharýashylyǵy jármeńkesin ótkizý sharalary jasaldy. Oblys basshysy Berik Ábdiǵalıuly oblys turǵyndaryna «Ulytaý» áleýmettik-kásipkerlik korporasııasy (ÁKK) esebinen berilip jatqan azyq-túlik ónimderin arnaıy belgisi bar chek arqyly satýdy uıymdastyrýdy tapsyrdy.
«Qoljetimdilikti qamtamasyz etý maqsatynda turaqtandyrý qorynan berilip jatqan ónimderdiń baǵa aıyrmashylyǵy tutynýshylarǵa kórinip turýy qajet. Bul baǵany negizsiz kóterýdiń aldyn alady», dedi aımaq basshysy.
Qazir oblys ortalyǵynda jáne Sátbaev qalasynda turaqtandyrý qorynan bólinetin ónimderdiń baǵasyn kórsetip, qandaı saýda núktelerinen alýǵa bolatyny halyqqa keńinen habarlanyp jatyr.
Baǵa buǵalyqqa kóne bastady ma? Álde ýaqytsha ma? Árıne, muny ýaqyt kórsetedi. Biraq oblys basshylyǵy áleýmettik mańyzy bar taýarlardyń baǵasyn birqalypty ustap turý maqsatynda buǵan deıin qolǵa alynǵan sharalardy jalǵastyra bermek. Jańa ınvestısııalyq jobalardy iske qosý arqyly bul baǵyttaǵy jumystardy ári qaraı jalǵastyrýǵa tastúıin bekinip otyr.
Ulytaý oblysy
