Foto: senate.parlam.kz
Zań kásipkerlik qyzmetti retteý men qorǵaýǵa, bızneske ákimshilik júktemesin azaıtýǵa, tutynýshylardyń, kásipkerler men memleket múddesiniń tepe-teńdigin qamtamasyz etýge baǵyttalǵan. Qujatta jalpy 114 zańnamalyq aktige, onyń ishinde 12 kodekske jáne 102 zańǵa ózgerister men tolyqtyrýlar engizý kózdelip otyr.
Máselen, «Qazaqstan Respýblıkasynyń keıbir zańnamalyq aktilerine bıznes júrgizý máseleleri boıynsha ózgerister men tolyqtyrýlar engizý týraly» zań kásipkerlik qyzmetti júrgizý jaǵdaıyn jaqsartý, memlekettik baqylaý júıesin retke keltirý, olardyń ashyqtyǵyn arttyrý, saýda naryǵyn jańǵyrtý merzimderin 2026 jylǵy 1 qańtarǵa deıin uzartý jónindegi túzetýlerdi qamtıdy.
Sonymen qatar qujatta mańyzy joq talaptardy qysqartý, bızneske ruqsat berýdegi artyq qujattar men rásimderdi alyp tastaý arqyly kásipkerlik qyzmetti júrgizý jáne damytý jaǵdaıyn jaqsartý jónindegi erejeler jazylǵan.
