Foto: behance.net
Ol 2023 jyldan beri AQSh-ta ornalasqan jańartylatyn energııa kózderine ınvestısııa salamyz dep jeke tulǵalardy aqsha salýǵa úgittep kelgen. Ol úshin arnaıy keńse jaldap, «ENERGY EOLUS QAZAQSTAN» JShS-ny tirkegen. Investorlardyń qarajaty krıptovalıýta túrinde tartylǵan. Ol esepke alý men qaıta bólý úshin sheteldik hakerler jasaǵan «energyeolus.info» platformasynda kórsetilgen. Astanada aqshasyn salǵan 535 adam anyqtaldy.
«Sot sheshimimen 187 mln teńgege teń 408 myń USDt kólemindegi krıptovalıýta memleket paıdasyna tárkilendi. Sot úkimimen uıymdastyrýshy kináli dep tanylyp, múlki tárkilendi, 6 jyl merzimge bas bostandyǵynan aıyryldy. Sondaı-aq endi ol 5 jyl azamattardyń qarajaty men ınvestısııalaryn tartýǵa baılanysty qyzmetpen aınalysa almaıdy», delingen habarlamada.
