Bul Qorǵanys mınıstri general-polkovnık Rýslan Jaqsylyqov pen Oqý-aǵartý mınıstri Ǵanı Beısembaevtyń osy jyldyń qańtar aıynda ótken kezdesýi kezinde qol jetkizilgen ýaǵdalastyqtyń nátıjesi.
Onyń qorytyndysy boıynsha jastarǵa áskerı-patrıottyq tárbıe berýdi jetildirýdiń birlesken jospary ázirlenip, bekitildi. «Baldáýren» respýblıkalyq oqý-saýyqtyrý ortalyǵynyń fılıaldarynda áskerı qyzmetshiler men Qarýly kúshter qyzmetshileriniń balalaryna kvota bólý týraly ýaǵdalastyqqa qol jetkizildi.
Demalysqa birinshi kezekte shalǵaıdaǵy garnızondarda áskerı qyzmet ótkeretin áskerı qyzmetshiler men azamattyq personaldyń, tolyq emes jáne kóp balaly otbasylarda tárbıelenip jatqan balalar jiberildi.
Ortalyqta bolý merzimi – 21 kún. Bul rette mádenı-demalys jáne saýyqtyrý is-sharalarynan basqa balalar mektep baǵdarlamasynyń pánderi boıynsha memlekettik jáne orys tilderinde sabaq oqıdy.
Bul 2024 jyly «Baldáýren» ortalyǵynyń fılıaldarynda myńnan astam balanyń densaýlyǵy men jeke damýy úshin paıdaly demalys bolmaq.
Mınıstrlikterdiń birlesken josparynda «Baldáýren» ROSO vedomstvolyq tıesililigine, shtat kestesine, «Altyn emel» kesheniniń ınfraqurylymyn jetildirýge, jóndeý jumystaryn júrgizýge, sport qalashyǵyn salýǵa jáne aýdıtorııa jabdyqtaýǵa qatysty birqatar uıymdastyrý is-sharalaryn ótkizý kózdelgenin atap ótken jón.
Mundaı yntymaqtastyq áskerge shaqyrylǵanǵa deıingi jastarmen jumys isteýge baǵyttalǵan. Áskerı istiń negizderin úırenýden praktıkalyq sabaqtardy qamtıtyn tıisti oqý baǵdarlamasy da engizilip otyr. «Jas sarbaz», «Smart sarbaz» synyptary ashylady, basqa da is-sharalar josparlanyp otyr. Áskerı-patrıottyq klýbtardyń tárbıelenýshileri úshin biryńǵaı nysandy engizý máselesi jýyrda sheshiledi.
Osy is-sharalardyń barlyǵy 2030 jylǵa deıingi jastardy áskerı-patrıottyq tárbıeleý tujyrymdamasyn iske asyrýǵa qyzmet etedi.
