Olımpıada chempıony Olga Rypakova Prezıdentke oqý-jattyǵý jıyndaryn jyl boıy turaqty túrde ótkizý úshin ortalyqta barlyq jaǵdaı jasalǵanyn aıtty. Mektep ashylǵan sátten beri Qazaqstannyń jeńil atletıkadan barlyq qysqy chempıonattary osy jerde ótkizilip keledi. Búginde ortalyqta 713 jas óren jattyǵady. Olar respýblıkalyq jáne halyqaralyq jarystardan udaıy júldeli oralady. Cportshylar 2023 jyly 281 medal jeńip alǵan.
Olga Rypakova elimizde jeńil atletıkany damytýǵa qatysty birqatar usynysyn jetkizdi. Atap aıtqanda, ol óńirde sport medısınasy ortalyǵyn qurý mańyzdy dep sanaıdy. Bul Altaıdyń ásem de janǵa jaıly tabıǵaty aıasynda ótetin jeńil atletıka boıynsha oqý-jattyǵý jıyndaryn emdeý-ońaltý prosedýralarymen sabaqtastyrýǵa múmkindik beredi.
2015 jyldan bastap sport arenasynda Olımpıada chempıony Olga Rypakova atyndaǵy týrnır ótkizilip keledi. Atalǵan jarysqa World Athletics Continental Tour deńgeıi berilgen. Iаǵnı, bul sportshylar álemdik reıtıngte upaı jınaı alatyn eń joǵary deńgeıdegi saıys sanalady. Dańqty sportshy osy týrnırdiń mártebesin «kúmis» deńgeıge deıin kóterýge yqpal etýdi surady. Ol úshin jeńil atletıka manejiniń jabyndysyn jańartý, sondaı-aq júlde qorynyń somasyn arttyrý qajet.
Memleket basshysy Premer-mınıstrdiń orynbasary Tamara Dúısenova men ShQO ákimi Ermek Kósherbaevqa atalǵan máseleni baqylaýǵa alýdy tapsyrdy.
