Foto: news.arsu.kz
Qazaqstanda ýaqyt beldeýi aýysady
1 naýryzdan bastalatyn eldegi, eń basty, ózgeris Qazaqstannyń birtutas ýaqyt beldeýine ótýimen baılanysty. Úkimet osy jyldyń qańtar aıynda «Astana, Almaty, Shymkent qalalarynyń, Abaı, Aqmola, Almaty, Jambyl, Jetisý, Qaraǵandy, Qostanaı, Pavlodar, Soltústik Qazaqstan, Túrkistan, Ulytaý, Shyǵys Qazaqstan oblystarynyń ákimdikteri 2024 jyldyń 29 aqpanynan 2024 jyldyń 1 naýryzyna qaraǵan túni (saǵat 00:00-de) jergilikti ýaqytty 1 saǵat artqa aýystyrsyn», degen Qaýly qabyldady. Osylaısha, Qazaqstan biryńǵaı UTC+5 ýaqyt beldeýine aýysady.
Namaz ýaqyty ózgeredi
Qazaqstan musylmandary dinı basqarmasy Qazaqstanda ýaqyt beldeýiniń aýysyna sáıkes Namaz ýaqyty da ózgeretinin habarlady. Atap aıtqanda, Astana, Almaty, Shymkent, Abaı, Aqmola, Jambyl, Jetisý, Qaraǵandy, Qostanaı, Pavlodar, Soltústik Qazaqstan, Túrkistan, Ulytaý jáne Shyǵys Qazaqstan oblystarynda namaz ýaqyty ózgeredi. Mýftııat belgilegen jańa namaz ýaqytyn myna jerden kórýge bolady. Sondaı-aq 11 naýryz kúni qasıetti Ramazan aıy bastalady.
Blogerler onlaın-jarnamany tańbalaýǵa tıis
2 naýryzdan bastap ınflıýenserler (blogerler) kommersııalyq nemese sharttyq negizde ornalastyratyn onlaın-jarnamany tańbalaýǵa tıis. «Byltyr 10 shildede Memleket basshysy «Onlaın-platformalar jáne onlaın-jarnama týraly» zańǵa qol qoıdy. Zań jobasy Qazaqstanda qaýipsiz onlaın orta qurýǵa baǵyttalǵan. Qujattaǵy kórsetilgen negizgi quqyqtyq tetikterdiń biri – jelidegi jarnamany tańbalaý mindettemesi. Biz zerttegen halyqaralyq tájirıbe kórsetkendeı, jetekshi elder onlaın-jarnamanyń mańyzdy rólin jáne ony onlaın-platformalarda kórsetý tetikterine erekshe nazar aýdarady. Sonymen qatar onlaın-jarnamanyń ashyqtyǵyn arttyrýǵa baǵyttalǵan talaptardy kózdeıdi», dep jazdy Mádenıet jáne aqparat mınıstri Aıda Balaeva áleýmettik jelidegi paraqshasynda.
Qazaqstannyń jeti óńirinde aýyr júk kólikteri qozǵalysyna ýaqytsha shekteý engiziledi
Jyl saıyn kóktem ýaqytynda qys mezgilinen keıin joldardy saqtaý úshin bir ostik júktemesi 8 tonnadan asatyn kólikterdiń júrýine ýaqytsha shekteý engiziledi. «Besinshi jol-klımattyq dep atalatyn aımaqqa» Almaty, Atyraý, Jambyl, Qaraǵandy (Jezqazǵan), Qyzylorda, Mańǵystaý jáne Túrkistan oblystary kirip otyr. Shekteý tótenshe jaǵdaılardyń aldyn alý jáne joıý jónindegi is-sharalarmen aınalysatyn, júkter men jolaýshylardy halyqaralyq tasymaldaýdy júzege asyratyn, zardap shekkenderge gýmanıtarlyq kómek kórsetetin, azyq-túlik, jolaýshylar, joljúk, dári-dármek tasymaldaıtyn, sondaı-aq, jol-qurylys jumystarymen aınalysatyn kólik quraldaryna qoldanylmaıdy.
«Otaý» jańa turǵyn úı baǵdarlamasy iske qosylady
Elimizde 1 naýryzdan bastap «Otaý» atty jańa turǵyn úı baǵdarlamasy iske qosylady. Ipotekalyq jobaǵa 18 ben 63 jas aralyǵyndaǵy kez-kelgen el azamaty qatysa alady. Jańa baǵdarlama boıynsha Otbasy bankinde jınaǵan depozıti bar tulǵalar ǵana úı ala alady. Baǵdarlamaǵa qatysamyn deýshiler osy qarjy ınstıtýtynyń portaly arqyly 30 sáýirge deıin ótinish berýi tıis.
Almatyda elektr energııasy tarıfi qymbattaıdy
Tarıfter kelesideı bolady:
- ortasha satý tarıfi QQS-syz 28 teńge/kVtsaǵ quraıdy;
- halyq úshin tarıf QQS-syz 25,55 (+10%) teńge/kVtsaǵ;
- zańdy tulǵalar úshin QQS-syz 29,73 (+11%) teńge/kVtsaǵ;
- bıýdjettik uıymdar úshin QQS-syz 32,73 (-10%) teńge/kVtsaǵ;
- SZPT óndirýshileri úshin QQS-syz 28 teńge/kVtsaǵ.
О́ńirlik kadr rezervine irikteý bastalady
1 naýryzdan bastap elimizdiń barlyq óńirleri men respýblıkalyq mańyzy bar qalalarynda óńirlik kadr rezervterine irikteý bastalady. Irikteýge 35 jastan aspaǵan, joǵary bilimdi jəne 3 jyldan kem emes eńbek ótili bar el azamattary qatysa alady. О́ńirlik rezervke alynǵan azamattar saılanatyn laýazymdardy qospaǵanda, jergilikti atqarýshy organdarda «B» korpýsynyń memlekettik ákimshilik laýazymdaryna ornalasady.
