M.Jumabaev atyndaǵy mekteptiń 6-synybynda oqıtyn Aıarý Serik – oqýda ozat, ónerge de jaqyn. Bala kezinen bıge qatysqan. Birneshe halyqaralyq jarystardyń jeńimpazy – «Sholpan» bı-ansambliniń eń úlgili bıshisi. Tennıs oınaýǵa tez beıimdelgen baldyrǵan bos ýaqytynda voleıboldy da oınaıdy. Ándi de áýelete shyrqaıdy.
– Aıarý aqpannyń 28-inen 29-yna qaraǵan túni saǵat 00:20-da dúnıege keldi. Otbasymyzben kóp oılanyp, 28 aqpan dep jazdyrýdy ótinip suradyq. Sebebi týǵan kúniniń tórt jylda bir keletinin túsinbeı, kóńiline ala ma dep oıladyq. Barlyq bala týǵan kúnin asyǵa kútedi. Aıarý da aı sanap, týǵan kúnin aldyn-ala josparlap júredi. Qandaı syılyq kútetinin aıtady. Sol sebepti, biz tórt jylda bir ret qana atap ótpeı, jylda túngi 12-den soń quttyqtaýdy dástúrge aınaldyrdyq. Basynda tolǵatqanda ishteı tilegen edim, dáp osy kúni dúnıege kelmese eken dep. Biraq Allanyń degeni boldy. Sosyn ózim de aman-esen bosanǵan soń, qýandym. Erekshe kúni dúnıege keldi ǵoı, onyń ústine tula boıy tuńǵyshymyz. Qyzymyzdyń taǵy bir ereksheligi solaqaı. Án de aıtady, bı de bıleıdi. Juldyzy jarqyraıtynyna senemiz, – deıdi Aıarýdyń anasy.
«Qazir voleıbol men tennısti doǵara turýǵa týra kelip tur. О́ıtkeni men Nazarbaev mektebiniń emtıhanyna daıyndalýdamyn. Oǵan qosa, úıdiń úlkeni bolǵandyqtan, eki baýyrym men sińilime qarap, anashyma kómektesemin. Ákem meni maqtan tutatynyn jıi aıtyp, bolashaǵyma úlken senim artady», deıdi týǵan kún ıesi.
Astrologter 29 aqpanda dúnıege kelgen adamdar tańdaýly, talantty ári erekshe qabiletke ıe ekenin aıtady. Eger jan-jaǵyńyzda búgin dúnıege kelgen Aıarý sekildi jaqynyńyz bolsa, quttyqtaýdy umytpańyz!
Qaraǵandy oblysy
