Foto: qazaqstan.tv
«Stalındik repressııa» tusynda ataqonysynan ajyrap, Qazaq topyraǵyna deportasııalanǵan Iаsha Koshalıoǵly ata-babasyna qıyn sátte qamqorlyq kórsetken bizdiń halyqtyń qaıyrly isin tebirenispen eske aldy. Atasy aýzynan tastamaı aıtyp ketken kúrsiniske toly estelikterdi ózi búginde nemereleriniń qulaǵyna quıyp otyr. Túrkistanǵa taban tiregen Koshalıoǵlylar áýleti jergilikti jurttyń syn sátte kórsetken jaısań kóńili dostyqtyń negizin qalady deıdi.
Alǵys aıtý kúni qarsańynda Iаsha Koshalıoǵly taǵy da qýanyshqa keneldi. «Qazaq radıolary» ujymy ony 52 jyl buryn Býrıatııada qarýlas bolǵan, Shymkentte týyp, tarıhı otany Sheshenstanǵa oıysqan Sultan Ahmadov dosymen tabystyrdy.
«Myń alǵys» jobasy – bir máıittik donordyń aǵzasy arqyly ekinshi ret ómirge kelgen qos almatylyqty da qaýyshtyrdy. Qyzyǵy, olar osyǵan deıin birine baýyr, birine júrek bir adamnan salynǵanyn bilmegen. Svetlana Qaıypovaǵa 2013 jyly alǵash ret qyzy baýyrynyń bólshegin berse, ekinshi ret 2023 jyly belgisiz tulǵanyń baýyry transplantasııalanǵan. Al máıittik donordyń júregi keýdesinde soǵyp turǵan Danııar Baıbolaev «saǵan saı keletin júrek tabyldy» degen sózdi segiz jyl kútken.
«Men Almaty qalasynda baýyr transplantasııasy jasalǵan alǵashqy pasıentpin. Ota sátti aıaqtalǵannan keıin ajaldan arashalap qalǵan adamnyń týystaryn surastyrdyq. Alaıda dárigerler medısınalyq qupııa retinde qalatynyn aıtty. Al búgin bir donordan aǵza alǵan adamdy kezdestirdim. Sene alar emespin. Maǵan Danııar ulymdaı kórinip tur», dedi Svetlana Qaıypova.
Aıta keteıik, Svetlana men Danııarǵa ekinshi ret ómir syılaǵan donordyń aǵza músheleri taǵy 2 adamnyń aıaqtan turýyna sep bolǵan.
2004 jyly Arqalyqtan shetel asqan Jánibek Savelev te kesh qonaǵy boldy. Ispanııadan arnaıy at basyn burǵan ol týǵan anasyn tabýǵa baryn salyp jatqan «Barmysyń baýyrym» habarynyń ujymyna, tilektestigin bildirip, aq batasyn jaýdyryp jatqan qazaq halqyna alǵys aıtty. Belgııalyqtar asyrap alaǵan Jánibektiń bıologııalyq anasyn izdeýi 2001-2002 jyldary Arqalyqta dúnıege kelgen 4 balanyń týǵan anasy tabylýyna túrtki boldy. Ol ózimen taǵdyrlas balalardyń kóp ekenine kózi jetip, olardy jaqyndaryna jeteleıtin jobany júzege asyrýdy josparlap otyrǵanyn jetkizdi.
«2023 jyldyń jeltoqsanynda Qazaqstanǵa týǵan anamdy izdep keldim. Sol ýaqyttan beri birshama asyrandy balalar anasyn izdep jatqanyn bilip jatyrmyn. Meniń kúıimdi keship júrgen jandarǵa kómektesý úshin jańa jobany oılastyryp otyrmyn. Bul aýqymdy jumys bolǵandyqtan ınvestorlar tartý, jaýapty organdarmen birlese jumys isteý kerek», dedi Jánibek.
Jýrnalıst Qymbat Dosjan Jánibek Jumaǵulovtyń óz anasyn izdeý bir sátke de irkilmegenin taǵy da tilge tıek etti.
Is-shara barysynda bir úıdiń 25 ónerli balasy jınalǵan jurtty tań-tamasha etti. Aqtóbelik Jetesovter otbasy 25 balany baýyryna basqan. Olar «Myń alǵys» sahnasyn án men kúıge bóledi. Otaǵasy О́mirhan darynsyz bala bolmaıdy, onyń talantyn taba almaıtyn ata-ana bolady degen ustanymmen, bar balasyn ónerge baýlyǵan.
«Men ózim 6 jasymda jetim qaldym. Qamqorshysyz er jetken qıyn kúnderimdi ózgelerdiń kórgenin qalamadym. Osy oı meni bala asyrap alýǵa ákeldi. Balalarymnyń árqaısysyn búldirshin kúninen mýzykalyq aspapty meńgerýge shaqyramyn. Talabyn shyńdaımyn. Balaly úı bazar. Sondyqtan olardyń arasynda kishkene kelispeýshilikter bolsa kitaptan, tarıhı oqıǵalardan ónege keltirip, tárbıeleımiz», dedi О́mirhan Jetesov.
