Foto: avtordan
Al, búginde elimizdegi árbir qurylymda da, yntymaqtastyq pen baýyrmaldylyq qasıetteri saqtalǵan. Solardyń biri Qazaqstan Respýblıkasynyń Ulttyq ulanynyń «Batys» óńirlik qolbasshylyǵyna qarasty 5517 áskerı bólimi. Elimizdiń qorǵany bola bilgen Ulttyq ulannyń 5517 áskerı bóliminde búginde ózge ult ókilderi Otan aldyndaǵy boryshtaryn óteýde. Atap aıtar bolsaq, qazaq, orys, tatar, ázerbaıjan, qyrǵyz, ózbek, uıǵyr ult ókilderi. El qorǵany bola bilgen bul áskerı bólimde de alǵys aıtý kúni erekshe atalyp ótedi. Osy oraıda biz 5517 áskerı bóliminde Otan aldyndaǵy boryshyn ótep júrgen jas sarbazdardyń kimderge alǵys aıtatynyn bilip keldik.
Eń alǵashqy bolyp óziniń ystyq iltıpatyn bildirgen uıǵyr ultynyń ókili 5517 áskerı bóliminiń atqyshtar rotasynyń sarbazy qatardaǵy Armedınov Saıd Saverdınuly
- Barlyǵymyz biletindeı Qazaqstan halqynyń asyǵa kútetin merekeleriniń biri bul alǵys aıtý kúni. Toǵyzynshy ret atalyp ótilip jatqan bul mereke elimiz úshin jarqyn meıramdardyń biri bolyp esepteledi. Bul kún qazaqtardyń yntymaqshyldylyǵy men dostastyǵynyń sımvoly, qonaqjaılylyǵynyń kórsetkishi desem artyq aıtqanym emes. Kóktemniń jaıma shýaq jylýymen tuspa tus kelgen bul mereke qarsańynda men óz alǵysymdy árqashan meniń janymda demeý berip qoldap júrgen ata-anama, dostaryma aıtqym keledi. Qıyn ýaqytta tyńdap kómektesip, qoldaý men qamqorlyq kórsetkenine shyn júrekten alǵys aıtamyn. Árdaıym meniń jaǵdaıymdy oılap, eshbir jerde jalǵyz tastamaı osy kúnge jetkizgen ata-anama shyn júregimnen óz alǵysymdy bildiremin.
Kezekte «Batys» óńirlik qolbasshylyǵynyń 5517 áskerı bóliminiń sarbazy, tájik ultynyń ókili qatardaǵy Týǵalov Farýh Ǵasyrjanuly
- Osydan toǵyz jyl buryn elimizge jańadan bir erekshe mereke paıda bolǵan. Ol halqymyzdyń yntymaq-birligin aıǵaqtaıtyn erekshe kún − alǵys aıtý merekesi. Jyl saıyn 1 naýryz kúni atalyp ótetin bul meıram qıyn qystaý kezeńderde qýanysh pen qaıǵyny bólisip, pana bola bilgen qazaq halqyna ózge ult ókilderiniń alǵys aıtý kúni. Alǵys aıtý - bul adamnyń júregine erekshe jylýlyq syılaıtyn keremet qasıet, adamgershiliktiń joǵarǵy kórsetkishi. Jyl saıyn bul merekeniń tarıhy jańa oqıǵalarmen tolyqtyrylady. Sondyqtan da ýaqyt óte kele bul mereke halqymyzdyń asyǵa kútetin súıikti merekeleriniń biri boldy. Bul kúni kóptegen adamdar, el tarıhyn esine alyp, táýelsizdigimizdi qasyq qany qalǵansha bermegen ata-babalaryna alǵys aıtady. Sonymen qatar adamdar bir-birine, ata-analaryna, balalaryna alǵys aıtyp jyly estelikterin esterine alyp, bir shańyraq aıasynda jınalyp ýaqyt ótkizedi. Men de osy mereke qarsańynda ózimniń jyly lebizderimdi balalyq shaǵymdy birge ótkizgen dostaryma, synyptastaryma aıtqym keledi.
Kelesi kezekte 5517 áskerı bóliminiń atqyshtar rotasynyń sarbazy uıǵyr ultynyń ókili qatardaǵy Kamalov Iýsýf Nurlanuly
- 1 naýryz – Alǵys aıtý kúni túrli ult ókilderiniń arasyndaǵy adamgershilik qarym-qatynastyń úlgi ónegesine aınaldy. Sondaı-aq bul kún elimizdiń tarıhyndaǵy eleýli kún bolyp esepteletini bárimizge málim. Sebebi osyndaı aıtýly merekeniń arqasynda elimizdiń birligi bekemdenýi men qatar tuǵyrly tatýlyǵymyz ben yrysty yntymaǵymyz jańa beleske jetedi. Bul kún jaqsylyqty baǵalaýǵa, kóptegen ult ókilderi arasynda syılastyq pen tatýlyqty arttyrady. Endeshe men, ózimniń Otan aldyndaǵy boryshymdy ótep jatqan Qazaqstan Respýblıkasy Ulttyq ulanynyń «Batys» óńirlik qolbasshylyǵy men 5517 áskerı bóliminiń jeke quramyna alǵysymdy bildirgim keledi. Meniń jaýyngerlik qyzmetimdi artyryp, Otan aldyndaǵy boryshymdy óteýge óz septigin tıgizgenderi úshin bar jaqsylyqty tileımin. Elimizdegi tynyshtyq pen úndestikti, ózara senim men qaýipsizdikti qamtamasyz etý jolynda aıanbaı eńbek etip júrgenderi úshin shyn júrekten alǵys aıtqym keledi.
Osyndaı izgi tilekterdiń arqasynda, adamdar bir-birine meıirimdilik bildirip, qadam jasaǵan saıyn elimizdegi yntymaqtastyq kúsheıe beredi. Osylaısha alǵys aıtý kúni el tarıhynda óziniń erekshe jylýlyǵyn qaldyryp júrgen keremet merekelerdiń biri bolady. Bizde búgingi jas sarbazdardyń izgi tilekterin qabyl alýshy ata-ana, týǵan-týys, dostary qýanyshty ekenine kámil senemiz. Osy oraıda biz «Batys» óńirlik qolbasshylyǵynyń quramy, el tynyshtyǵynyń qalqany bolyp júrgen Ulttyq ulannyń árbir qyzmetkerine óz alǵysymyzdy aıta otyryp, otbasylaryna baqyt, shańyraqtaryna shattyq, ata-analaryna zor densaýlyq, el ıgiligi úshin atqaryp otyrǵan qyzmetterine tabys tileımiz.
Manarbek Baqdáýlet,
leıtenant
Oral qalasy
