Osydan bir jyl buryn ınflıasııa joǵary mánge jetip, 21,03% -ǵa bir-aq shyqqan edi. Bul qarapaıym halyq úshin ońaıǵa soqpady. Sol kezde Ulttyq bank bazalyq mólsherlemeni ósirip, qatań aqsha-nesıe saıasatyn ustandy. 2022 jyldyń sońynda bazalyq mólsherleme 16,75% bolyp bekitildi. Qatań monetarlyq saıasattyń arqasynda qazir ınflıasııa deńgeıi 9,5%-dy qurap otyr. Osydan eki jyl buryn bıznes qaýymdastyq, jekelegen sarapshylar, tipti keıbir depýtattar da bazalyq paıyzdyq mólsherlemeniń qymbattaýyna qarsylyq bildirip, bul el ekonomıkasyn qurdymǵa jiberedi ári nesıe alǵysy keletin kásipkerlerge kederi keltiredi dep málimdegen bolatyn.
Sarapshylardyń pikirinshe, bank josparynda bazalyq mólsherleme odan ári de tómendeı túsýi tıis. О́ıtkeni biraz ýaqyttan beri ınflıasııa bir tańbaly mánge tolyq aýysty deýge bolady. Degenmen kez kelgen sátte týyndaýy múmkin táýekelderdi sanattan shyǵaryp tastaýǵa taǵy bolmaıdy. Jyldyq ınflıasııa báseńdegenimen, aılyq ınflıasııa joǵary deńgeıde qalyptasyp otyr.
«Jyldyq ınflıasııanyń baıaýlaýy bizdiń boljamymyzben sáıkes kelip jatyr. Onyń ornyqty bóligindegi kórsetkishter áli de joǵary. Ekonomıkada proınflıasııalyq faktorlar saqtalyp otyr. Olardyń arasynda tutynýshylyq suranys, fıskaldyq yntalandyrý jáne joǵary ınflıasııalyq kútýler bar», deıdi Ulttyq bank tóraǵasy TımýrSúleımenov.
UB basshysynyń sózinshe, bıylǵa ınflıasııa boljamy ózgergen joq. Baǵa 7,5-9,5% sheginde ósýi múmkin.
«2025 jylǵa arnalǵan boljam 5,5-7,5% deńgeıinde saqtaldy. 2026 jyly bizdiń baǵalaýymyz boıynsha ınflıasııa targetke jaqyndap, 5-6% sheginde qalyptasady. Osy jyldyń aqpan aıynda ótken jylǵy joǵary baza tolyq shyqqanyna jáne ekonomıka ishinde baǵa qysymy faktorlarynyń bolýyna baılanysty ınflıasııanyń tómendeý qarqyny baıaýlaıdy. Aqsha-kredıt sharttarynyń ustamdy qatań sıpaty jáne syrtqy ortadaǵy baǵa ósý jaǵdaıynyń odan ári jaqsarýy ınflıasııanyń tómendeýine yqpal etedi», dedi.
Aıtýynsha, Ulttyq bank boljamynda bıýdjet saıasaty parametrleriniń jetkiliksiz anyqtyǵy, aǵymdaǵy fıskaldyq yntalandyrý, turaqsyz ınflıasııalyq kútýlerge negizdelgen ınflıasııanyń ornyqtylyǵy, sondaı-aq Qazaqstannyń negizgi saýda-seriktesterine qatysty sanksııalyq qysymnyń yqtımal ósýi sııaqty táýekelder kórinis taýyp otyr.
Tımýr Súleımenov: «Orta merzimde ınflıasııa boıynsha maqsatqa qol jetkize alatynymyzǵa senimdimiz», deıdi. Ol úshin ustamdy qatań aqsha-kredıt sharttaryn saqtaý qajet. Osyǵan oraı saıasatty odan ári jeńildetý múmkindigi de shekteýli bolmaq. О́ıtkeni ishki suranys kórsetkishterinde, ınflıasııalyq kútýlerde baıqalatyn úrdister, sondaı-aq bıýdjet saıasaty parametrlerindegi jáne syrtqy jaǵdaıdaǵy belgisizdik ustamdy qatań aqsha-kredıt sharttaryn saqtaýdy talap etedi.
