Foto: pixabay.com
QMDB ókilinen oraza ustaý barysynda kóńilde kúmán týdyratyn, alǵash ret aýyz bekitýge nıet etken jandar úshin mańyzdy is-áreketterdiń anyq-qanyǵyn bildik.
Foto: MÚFTIIаT QMDB youtube arnasy
- Túkirik, qaqyryq jutqanda oraza buzyla ma? Aýyzdy salqyn sýmen shaıýǵa ruqsat pa?
- Túkirik, qaqyryq jutý orazany buzbaıdy. Biraq ádeıi túkirigin aýzyna jınap ishke jutý – mákrýh. Aýyzdy salqyn sýmen shaıýǵa ruqsat beriledi, biraq ol da mákrýh sanalady. Sondyqtan mundaı isterden barynsha saqtanǵan jón.
- Sáresine tura almaı qalsa qaı ýaqytqa deıin aýyz bekitýge bolady? Orazany jalǵastyrýǵa bola ma?
- Sáresine tura almasa, orazasyn sáresiz ári qaraı jalǵastyra beredi. Sebebi oraza ustaıtyn adamǵa tań atqannan keıin jep-ishýge bolmaıdy.
- Dáret almaı aýyz ashýǵa bola ma?
- Namaz oqý úshin dáret alady. Orazanyń sáresi nemese aýyzashary úshin dáret alý shart emes.
- Oraza ustaǵan adamdar belgili sebeptermen aýyzdaryn ashyp jatady. Asylynda aýyzdy qandaı sebeptermen ashýǵa bolady?
- Oraza ustaı almaıtyn dárejede naýqastanyp qalǵan adamǵa, álsiz qart adamǵa, jolaýshyǵa orazasyn ashýǵa ruqsat etiledi.
- Qadir túnin tańǵa deıin uıqysyz ótkizý shart pa?
- Qadir túnin qulshylyqpen uıqysyz ótkizý – mustahap, ıaǵnı erikti ǵıbadat. Eshbir adamǵa túndi uıyqtamaı ótkizýdi mindetteý durys emes.
- Oqýshylarǵa oraza ustaýǵa bola ma?
- Sharıǵat boıynsha deni saý adam oraza ustaýǵa mindetti. Al balıǵat jasyna tolmaǵan balaǵa qulshylyq jasaý, onyń ishinde oraza ustaý shart emes.
- Jaýabyńyzǵa raqmet!
