El birligi – enshimiz

Aksııanyń maqsaty – halyq­tyń áleýmettik álsiz tobyna túrli taǵamdardan dám taty­ryp, merekelik kóńil kúı syılap, demeý bolý. Igilikti is-sha­raǵa Astana qalasy ákimdigi ja­nyndaǵy «Qoǵamdyq keli­sim» KMM qyzmetkerleri, etno­máde­nı birlestikterdiń ókilderi men shyǵarmashylyq ujymdary qatysty.

– Kómekke muqtaj jandar­dyń qatary ótken jylmen salys­tyrǵanda artty. Stasıo­nar jaǵdaıynda byltyr 320-330 arasynda adam bolsa, bıyl turaqty 350 adam bar. Al úı jaǵdaıynda 560 azamatqa qyzmet kórsetip otyrmyz. Ortalyqta 10 túrli ult ókili qarııalarǵa kómek kórsetip keledi. Olardy biz «kishi Assambleıa» dep ataımyz. Alǵys aıtý kúnine arnaıy konserttik baǵdarlama men dám ala kelgen shahardyń QHA basshylyǵyna alǵysymyzdy aıtamyz. О́ıt­keni jyl saıyn konserttik baǵdarlamasymen mekemedegi qyzmet alýshylardyń kóńil-kúıin kóterip, bir qýantyp ketedi. Aǵa býynnyń júzinen rızashylyqty ańǵarý qıyn emes, – dedi «Sharapat» áleýmettik qyzmet kórsetý ortalyǵy MKQK dırektory Ardaq Seıitova.

Taǵdyr jazýymen qazaq je­ri­ne taban tiregen túrli etnos ókilderi de qaıyrymdylyq sharasynda ózindik órnekterimen, ulttyq kıimderiniń aıryqsha úlgisimen boı kórsetip, keńpeıil Alash jurtyna alǵysyn jet­kizdi.

– Alǵys aıtý kúni – tek rıza­shy­lyq emes, jas urpaq úshin tarıh týraly syr shertetin ta­ǵy­lymǵa toly mereke. Taǵdyr tálkegimen jan saýǵalap, qonys aýdarǵan ár etnos ókilderin baýy­ryna basyp, bir úzim nanyn bólisken qazaq halqynyń keń­peıildigi kóptegen ulttyń ur­paq órbitýine jaǵdaı jasady, múmkindik berdi. Mine, búgin­de birtutas memleketimizde Qa­zaq­stan halqynyń Assam­bleıa­sy qu­rylyp, yntymaǵymyz ny­ǵaıyp keledi, – dedi «Rýsskaıa ob­shı­na stolısy» qoǵamdyq bir­les­tiginiń koordınatory Andreı Avdeev.

Qazaq halqynyń bolmys-bitimimen bite qaınasyp, tur­mys-tirshiligi ortaq bir arnaǵa toǵysqan koreılerdiń de ózindik mádenı qundylyqtary elimizde qalyptasyp keledi. Igi iste olar da Assambleıanyń shashbaýyn kóterip, konserttik baǵdar­lamaǵa jumyla atsalysty.

– О́tken ǵasyrdyń 30-jyldary Qıyr Shyǵystan Qazaqstanǵa 200 myńnan asa koreı jer aýda­rylǵan. Jalpy, koreı dıas­porasynyń qazaq jerine qo­nys tepkenine 80 jyldan asty. Biz úshin Qazaqstan tól meke­nimizge aınaldy. Osy jerde ósip-óndik. Sondyqtan otandastarymyzdy kóktemniń alǵashqy kúnimen ilese keletin Alǵys aıtý merekesimen shyn júrekten quttyqtaımyn. El aman, jurt tynysh bolsyn, – dedi Astana qalasy koreı etnomádenı birlestiginiń múshesi Aleksandra Kım.