Foto: N.Baıbýllın
Zań Memleket basshysynyń transferttik baǵa belgileýge baqylaýdy kúsheıtý jónindegi tapsyrmasyn iske asyrý maqsatynda ázirlengen bolatyn. Sondaı-aq halyqaralyq iskerlik operasııalarda jáne halyqaralyq iskerlik operasııalarǵa baılanysty mámilelerde memlekettik kiristerdiń joǵalýyn boldyrmaýǵa baǵyttalǵan.
Qujat naryqtyq baǵany aıqyndaý ádisterin qoldanýdy jetildirýge, naryq aýanyn aıqyndaý tetigin engizýge, kapıtaldy shyǵarýǵa baqylaýdy kúsheıtý maqsatynda taraptardyń ózara baılanysyn keńeıtýge, sondaı-aq taýar bırjalarynda jasalǵan mámilelerdegi transferttik baǵa belgileýge baqylaýdy qaıtarýǵa baǵyttalǵan.
Senatorlardyń aıtýynsha, zań taýar bırjalarynda jasalǵan mámileler boıynsha eksporttyq baǵalardyń tómendemeýine yqpal etedi. Ol salyq salynatyn tabystyń ulǵaıýyna, halyqaralyq mámilelerdiń monıtorıngin jaqsartýǵa septesedi.
Depýtattar keńeıtilgen otyrystyń qorytyndysy boıynsha zańdy Palatanyń qaraýyna jiberý týraly sheshim qabyldady.
