foto: Almaty kópsalaly klınıkalyq aýrýhanasynyń baspasóz qyzmeti
Almaty kópsalaly klınıkalyq aýrýhanasynyń baspasóz qyzmeti 4 naýryzda bes baldyq jer silkinisi kezinde dárigerler naýqastardy qaýipsiz jerge alyp shyqqanyn habarlady. Alaıda hırýrgtar óz oryndarynda qalyp, hırýrgııalyq otalardy jalǵastyrdy.
«Árıne, jer silkinisin barlyǵy sezdi. Biraq operasııa ústelinde úsh tyrtyǵy bar naýqas jatty, biz josparly kesar tiligin jasadyq. Medbıkeler ústeldi, anestezıolog naýqasty, men jańa týǵan náresteni ustap turdym. Baqytymyzǵa oraı, bári oıdaǵydaı boldy, operasııany sátti aıaqtap, shuǵyl evakýasııalandyq», deıdi akýsher-gınekolog Gúljahan Jumadýlaeva.
Kardıohırýrg Tımýr Ibragımov 68 jastaǵy naýqasqa koronarlyq shýnttaý operasııasyn jasaǵanyn aıtty.
«Eger biz, kardıohırýrgtar, operasııany toqtatqanda, onyń saldary aıqyn bolar edi. Árıne, qorqynyshty boldy. Biz operasııa bólmesinde jatqandardyń barlyǵyna alańdadyq, biraq bizdiń basty mindetimiz - kez kelgen tótenshe jaǵdaıda naýqastyń ómirin saqtap qalý edi», dedi kardıohırýrg Tımýr Ibragımov.
Travmatolog Bekzat Beısenov jambas súıegine osteosıntez operasııasyn júrgizip jatqan edi. Ol jambas súıegi synǵan áıelge ota jasady.
Esterińizge sala keteıik, Almatyda 4 naýryz kúni tańerteń qýaty 5 ball bolatyn kúshti jer silkinisi boldy. Mektepterdegi, kolledjderdegi jáne ýnıversıtetterdegi sabaqtar toqtatyldy. Negizgi dúmpýlerden keıin qala turǵyndary taǵy birneshe ret dúmpýlerdi sezindi. Tústen keıin ǵana Tótenshe jaǵdaılar departamenti almatylyqtardyń úılerine oralýy múmkin ekenin habarlady.
