Foto: Turar Qazanǵapov
Gaýhar Tanasheva Qazaqstannyń demografııasyna alańdaýshylyq bildirip, birqatar másele kóterdi.
«Bir jyl ishinde Qazaqstan halqynyń sany nebári tórt mıllıonǵa ósse, kórshi О́zbekstan halqy 15 mıllıonǵa ósti. Qazaqstanda halyq sany az, tyǵyzdyq tómen. Álemde tek 184-oryndamyz, 100 gektar jerge tek 7 adam keledi», dedi Májilis depýtaty.
Depýtat atap ótkendeı, eldegi demografııalyq másele halyqtyń tabıǵı ósimi men mıgrasıǵa kelip tireledi. Onyń pikirinshe, tabıǵı ósýdi qamtamasyz etý úshin eń aldymen otbasylarǵa qoldaý kórsetken abzal.
«Qazaqstanda otbasy ınstıtýtymen aınalysatyn birden-bir memlekettik organ – Mádenıet jáne aqparat mınıstrligine qarasty Jastar jáne otbasy isteri komıteti. Komıtettiń otbasy saıasaty bóliminde nebári 4 adam jumys isteıdi, al aımaqtarda komıtet ókilderi múlde joq. О́zbekstandaǵy demografııalyq ósimniń oń dınamıkasyn nazarǵa ala otyryp, óz elimizde Otbasy, áıelder, balalar jáne demografııalyq saıasat jónindegi memlekettik komıtet qurý tájirıbesin qabyldaýdy usynamyz», dedi depýtat.
Gaýhar Tanashevanyń oıynsha, jańa komıtet qurylǵan jaǵdaıda ana men bala quqyqtary tıimdi qorǵalyp, qazaq otbasylarynyń turmys jaǵdaıy jaqsarýy múmkin.
