Foto: ktk.kz
Astanada mundaı esimdi taǵy 5 adam, Qaraǵandy oblysynda 4 adam bar. Sonymen qatar Qazaqstan esimdi 3 adam Qostanaı oblysynda, 2 adam Mańǵystaý oblysynda, 2 adam Shymkent qalasynda, 1 adam Batys Qazaqstan oblysynda turady.
Sondaı-aq elimizde Qazaqstannyń qala attarymen atalǵan azamattar da bar. Máselen, 24 Astana, 20 Almaty jáne 3 Shymkent esimdi turǵyn bar. Al Semeı esimdi 27 adam, Atyraý esimdi 15, Túrkistan esimdi 15, Taraz esimdi 14, Aqtaý esimdi 10, Aqtóbe esimdi 1, Taldyqorǵan esimdi 1 adam tirkelgen.
Ata-analar sondaı-aq balalaryna saıası qaıratkerlerdiń de atyn qoıýdy dástúrge aınaldyryp keledi. Máselen, Qazaqstan Respýblıkasynda 12 Qasym-Jomart, 1 Pýtın, 1 Tramp jáne 8 Baıden esimdi turǵyn bar.
Bıylǵy jyldyń qańtar aıynda Qazaqstanda Medına men Álıhan eń tanymal esimder boldy. Statıstıkaǵa súıensek, bul aıda 517 Medına, 313 Álıhan dúnıege kelgen.
Qyzdardyń esimderi boıynsha úzdik bestikke Asylym (468 adam), Aısha (436 adam), Aılın (387 adam) jáne Tomırıs (318 adam) kirdi.
Ul balalar esimderiniń ishinde eń tanymal bestikke Muhammed (305 adam), Aısultan (238 adam), Muhammad (231 adam) jáne Aldııar (219 adam) kirdi.
