Foto: www.sb.by
Sochı festıvaline naýryzdyń 1-7 aralyǵynda 190 memleketten barlyǵy 20 myń adam kelgen. Qazaq jastarynan bólek basqosýǵa О́zbekstannan 200-den astam, Tájikstannan – 275, Úndistannan – 360, Kongo Demokratııalyq Respýblıkasynan – 100, Bangladeshten – 95, Argentınadan 100-ge jýyq ókil qatysqan. Ár delegat ashylý saltanatynda óz elderiniń týlaryn kóterip, alańdy júrip ótken. Keıin «Roza holl» konsert kesheninde III Ulttyq ınternet-kontent syılyǵynyń alǵashqy jeńimpazdaryn marapattady.
– Meniń oıymsha, Internetti damytý ınstıtýty óz júldesin osynda, Dúnıejúzilik jastar festıvali keńistigine aýystyrǵany óte durys sııaqty. О́ıtkeni árbir delegat, árbir qonaq, árbir sarapshy dál osy nomınasııaǵa laıyqty. Sebebi sizder álemniń jaqsy jaqqa baǵyt alýyna, damýyna sebepshisizder. Bizdiń ólkege kelý osy jerdegi árqaısyńyzǵa ońaı bolmady. Biz bilmeıtin kedergilerdi eńserip, janymyzda tursyzdar. Sol úshin sizderge erekshe iltıpatymdy bildiremin, – dedi Reseı Federasııasy Prezıdenti ákimshiligi basshysynyń birinshi orynbasary Sergeı Kırıenko.
Tórtkúl dúnıege kóz tikken aýqymdy is-sharaǵa reseılik Jastar isi jónindegi federaldy agenttik jáne birneshe vedomstvo uıytqy bolǵan. Festıval qatysýshylary halyqaralyq jas kásipkerler qaýymdastyǵyn qurý týraly deklarasııaǵa qol qoıdy. Munda jas kásipkerler úshin arnaıy is-sharalar uıymdastyrylyp, bıznestiń ózekti máseleleri talqylandy.
– Qoǵamdastyq dúnıejúzilik jastar festıvaliniń murasyna aınalady. Bilim, tájirıbe jáne resýrstarmen almasý ortalyǵy retinde arnaıy qurylǵan platforma bolashaqta qatysýshylarǵa óz bıznesin damytýǵa, ár memlekettiń bıznes ortasyn zertteýge, kásipkerlerge jańa naryqtarǵa shyǵýǵa, baılanystar jelisin keńeıtýge jáne kásipkerlik qyzmette jańa bıikterge jetýge kómektesedi, – dedi RF Jastar isi jónindegi federaldy agenttik basshysynyń keńesshisi Oleg Makarov.
Sochıdegi búkilálemdik jastar festıvaliniń qatysýshysy, otandasymyz Perızat Jańbyrbaeva jastar forýmnyń atmosferasymen bólisti.
«Mundaı ortalarda álemniń ár buryshynan kelgen jastar qarym-qatynas jasaıdy, tanysady, jańa áserge bólenedi. Olardyń ómir súrý deńgeıimen tanysyp, oı-órisin keńeıtedi. Bul meniń Reseıge alǵashqy saparym. Igi is-shara men kútkendegiden de óte joǵary deńgeıde uıymdastyrylǵan», dedi belsendi.
Baǵdarlama aıasynda Mádenıet jáne aqparat vıse-mınıstri Evgenıı Kochetov Qyrǵyzstan, Qytaı, О́zbekstan, Tatarstan delegasııalarynyń basshylarymen birqatar ekijaqty kezdesý ótkizdi. Qyrǵyzstannyń Mádenıet, aqparat, sport jáne jastar saıasaty mınıstriniń orynbasary Marat Taǵaevpen kezdesý barysynda taraptar ekinshi qazaq-qyrǵyz jastar forýmyn ótkizý máselelerin talqylady.
Sondaı-aq Evgenıı Kochetov Búkilqytaı jastar federasııasy tóraǵasynyń orynbasary Lıý Kaımen ómirdegi túrli sala boıynsha jastarǵa teń múmkindikter jasaý, jastar kásipkerligin qoldaý men damytý jáne jastardyń qoǵamdyq-saıası ómirge belsene qatysýy jaıynda sóılesti. Kezdesýler qorytyndysy boıynsha jastar saıasaty salasyndaǵy yntymaqtastyqty nyǵaıtý týraly kelisimge kelip, bıylǵa arnalǵan ekijaqty is-sharalar jospary belgilendi.
Jabylý saltanatyna Reseı Federasııasynyń Prezıdenti Vladımır Pýtın arnaıy qatysty. Ol dúnıejúzilik jastar festıvaliniń qatysýshylarymen pikir almasyp, sóz sóıledi.
