Foto: pixabay.com
Boljam boıynsha, aldaǵy táýlikterde Qazaqstan aýmaǵynda atmosferalyq frontaldy bólikterdiń ótýi saldarynan aýa raıy qolaısyz bolmaq. Jaýyn-shashyn túsedi.
12 naýryz kúni Qaraǵandy, Pavlodar oblystarynda jańbyr aralas qar jaýady. 12-13 naýryzda Jetisý, Abaı, Shyǵys Qazaqstan, Túrkistan, Jambyl jáne Almaty oblystarynda da osy kún raıy qaıtalanady. Jalpy Respýblıka terrıtorııasynda jel kúsheıip, tuman túsedi, kóktaıǵaq bolady.
«Belgilengen merzimde eldiń basym bóliginde túngi ýaqytta aýa temperatýrasy -10, -20 gradýsqa deıin tómendeıdi. Eldiń ońtústiginde bul ýaqytta synap baǵanasy kúndiz - 2-10 aralyǵyn kórsetse, túnde termometrler - 2, -12 gradýsqa deıin tómendeıdi dep boljanyp otyr», delingen «Qazgıdromet» RMK habarlamasynda.
