Infografıkany jasaǵan – Záýresh SMAǴUL, «EQ»
Aılar arasyndaǵy túıindeme sanynyń kúrt ózgerýi biliktiligi joq qyzmetkerlerden usynystardyń 84,8 myńnan 37,9 myńǵa deıin nemese 55%-ǵa aıtarlyqtaı tómendeýine baılanysty bolyp tur.
Suranysqa kelsek, bos jumys oryndarynyń 39,8 myńy (49%) – orta bilikti mamandarǵa, 25,8 myńy (32%) – joǵary bilikti mamandarǵa arnalǵan. Al biliktiligi tómen bos jumys oryndaryna 15,2 myń adamnan (19%) keledi.
Aqpan aıynda negizgi suranysty bilim berý uıymdary (19,2 myń bos jumys orny) jáne basqa da qyzmet túrlerin usynatyn kásiporyndar (10 myń bos jumys orny) qurap otyr. Bul – barlyq bos jumys oryndarynyń úshten biri.
Aqmola oblysyn qospaǵanda (4%-ǵa ósken), barlyq óńirde bos jumys oryndarynyń sany qysqarǵan. Máselen, eń úlken tómen shama Túrkistan (-35%), Jetisý (-34%) jáne Mańǵystaý (-33%) oblystarynda baıqalady.
Suranyspen qatar usynys ta osyndaı kúıde. Túıindeme sanynyń azaıýy barlyq aımaqta, ásirese, ońtústikte baıqaldy. Onda biliktiligi joq jumys izdeýshilerdiń sany aıtarlyqtaı azaıdy. Mysaly, Qyzylorda oblysynda túıindemeniń jalpy sany 20,4 myńnan 7,4 myńǵa deıin, al Jambyl oblysynda 14,1 myńnan 7,2 myńǵa deıin qysqardy.
Aqpan aıynda barlyq túıindemeniń 50,5 myńyn (44%) – 16-35 jas aralyǵyndaǵy izdenýshiler, 30,2 myńyn (27%) – orta jas (35-45 jas) ókilderi, tek 10,8 myńyn (10%) zeınet jasqa deıingi adamdar ornalastyrdy.
Aqpan aıynda jumys berýshiler eń joǵary jalaqy mólsherin ónerkásiptik alpınısterge (orta eseppen 1 mln teńgeden bastap), bas qurylysshylarǵa (656 myń teńgeden bastap) jáne júıelik sáýletshilerge (600 myń teńgeden bastap) usyndy.
