Kóshbasshylyq kýrsy

Is-sharanyń ashylýynda Ǵylym jáne joǵary bilim mı­nıst­r­ligi Joǵary jáne jo­ǵa­ry oqý ornynan keıingi bilim komıtetiniń tóraǵasy Gúlzat Kóbenova Nazarbaev ýnıver­sı­tetiniń bilim berý júıesinde kóshbasshy daıarlaýdaǵy úlesi mol ekenin aıtty.

72 saǵattyq trenıng gıbrıdti formatta uıymdastyrylyp, ol onlaın jáne tálimgerlik sessııaǵa jalǵasty. Toptyq sabaq kezinde tyńdaýshylardy oqytý úderisine tartý úshin oqytýdyń belsendi jáne ınteraktıvti ádisi men túrli sıfrlyq quraly paıdalanyldy. Sondaı-aq oqý úderisiniń tıimdiligi úshin Moodle bilim berý platformasy qoldanyldy.

Intensıvti kýrsta Pıa Kolho, Essı Rıýmın, Iohanna Erlıng, Arı Pokka jáne Qaırat Quraq­baev sekildi halyqaralyq jáne otandyq sarapshylar bilim berýdegi kóshbasshylyqta jańa tehnologııany qoldanýǵa baılanysty taqyryptardy qozǵady.

«Bul semınar bizge aýyl mek­tebin qala mektepteriniń deń­geıine jetýge talpyndyra tústi. Biz munda  ujymmen tyǵyz jumys istep, ár adamnyń oıy qundy ekenin úırendik.  Qate­lesýden qoryqpaýdy túsin­dik. О́ıtkeni biz buǵan deıin qatelesýdi aıyp kórýshi edik. Endi aýylǵa barǵannan keıin osynda alǵan tájirıbemdi árip­tes­terimmen bólisemin», dedi Jetisý oblysyndaǵy Jetijal orta mektebiniń dırektory Ádilet Nurǵalıev.

Kýrs  barysynda qatysý­shy­lar sarapshylarmen birge bilim berý salasyna baılanys­ty tapsyrmany oryndap, qo­ry­tyn­dy jobamen jumys istedi. Úsh topqa beıimdelgen jańa bilim berý baǵdarlamany iske asy­rýdyń ózindik jol kartasy jasaldy. Máselen, joǵary oqý oryn­da­rynyń basshylary bola­shaq kózqarasqa sáıkes qyzmetkerler men resýrstardy basqarýǵa nazar aýdarsa, sapany qamtamasyz etý jónindegi ýnıversıtet depar­ta­mentteriniń ókilderi jańa bilim berý baǵdarlamasynyń qaǵıdatyna sáıkes keletin sapany úzdiksiz ishki baǵalaý úderisin qurýǵa mán berdi. Al mektep dırektorlary  jańa bilim berý baǵdarlamasyna qatysty joǵary oqý oryndary men mektepter arasyndaǵy yntymaqtastyq baı­la­nysqa tereńirek úńildi.

«Trenıngte talqylanǵan ózek­­ti máseleniń biri – mektep pen ýnı­versıtet arasyndaǵy baılanys. Biz osy máseleniń sheshý jolyn izdestirip, áriptestermen oı bólistik.  Mysaly, men ýnı­ver­sı­tettiń oqý bóliminde isteımin. Sondyqtan osy kýrsta oqý úde­ri­sin basqarý, oǵan jetekshilik jasaý jáne uıymdastyrýda biraz tájirıbe aldym. Endi ony jumys barysynda qoldanamyn», dedi Abylaı han atyndaǵy Qazaq halyqaralyq qatynastar jáne álem tilderi ýnıversıtetiniń qyzmetkeri Jumagúl Qarabaeva.

Aıtpaqshy, atalǵan trenıng Ǵylym jáne joǵary bilim mı­nıstrligi men Oqý-aǵar­tý mınıstrligi jáne Dúnıe­jú­zilik banktiń qoldaýymen «Peda­go­gıkalyq bilim berý mode­lin engizý jáne onyń mazmunyn ny­ǵaıtý» atty aýqymdy joba aıasynda ótti. Bıylǵy  qańtar-maýsym aıy aralyǵynda osy joba sheńberinde elimizdegi jo­ǵary oqý oryndary men mek­tepterdiń 2 150 mamanyn bilik­tilik arttyrý kýrsynan ótki­zý josparlanǵan.