Foto: Qymbat Dosjannyń áleýmettik jelidegi paraqshasynan
Aıta ketsek, bul eki bala - Roza jáne Nurlan. Arqalyq qalasyndaǵy balalar úıinen qos qazaq balasyn sheteldik otbasy asyrap alǵan edi.
«Barmysyń, baýyrym?» habarynyń ótken sanynda Roza Bagýsova esimdi keıipker óz oqıǵasyn baıandap, týǵan ata-anasyn izdep kelgenin aıtty.
«Araǵa apta salyp Rozanyń anasy da, ákesi de tabylǵanyn habarlap otyrmyz. Roza efırge kelýge tıis edi. Alaıda, belgili sebeptermen jolǵa shyǵa almaǵan eken. Anasy men ákesi ońasha kezdesýdi jón dep tapty. Biraq ákesiniń týysy stýdııaǵa kelip Rozamen tildesti», dedi Qymbat Dosjan.
Al Nurlanǵa týǵan anasymen tildesetindeı múmkindik týǵan.
Qymbat Dosjannyń aıtýynsha, ekeýi eki túrli otbasynan shyqsa da, bir otbasyda aǵaly-qaryndastaı ósken.
