Qoǵam • 18 Naýryz, 2024

Ulttyq kıim kıetin qazaqtar sany kúnnen-kúnge artyp keledi

313 ret

kórsetildi

2 mın

oqý úshin

2023 jyldyń jeltoqsan aıynan bastap Qazaqstan aýmaǵynda ulttyq kıimniń sán-saltanatyna arnalyp, qazaq mádenıetin nasıhattaýǵa baǵyttalǵan «Ulttyq sezim» fleshmoby ótkizilip keledi. Atalǵan bastamany kótergen YPO Kazakhstan tóraǵasy Qanat Kópbaev. Osy kúni birqatar uıymnyń qyzmetkerleri, stýdentter men oqýshylar zamanaýı stıldegi ulttyq kostıýmder kıip, dástúrli aksessýarlar taǵady, dep habarlaıdy Egemen.kz ultsport.kz baspasóz qyzmetine silteme jasap.

Shyńǵys MUQAEV

Ulttyq kıim kıetin qazaqtar sany kúnnen-kúnge artyp keledi

Foto: ultsport.kz baspasóz qyzmeti

Qazirgi ýaqytta jobany elimizdegi 100-den astam kompanııa, bilim berý uıymdary, Ulttyq sport qaýymdastyǵy men onyń federasııalary qoldap, qatysýshylar sany 20000 adamnan asty jáne olardyń sany kúnnen-kúnge artyp keledi.

Olardyń qatarynda Kusto Group, Tas Group, Chocofamily Holding, «BI Group», Astana Group, Invictus, Novopack, Bilim Media Group, Ordamed Group, MYD Production, SDC, Freedom Holding Corp, Magnum, AQ, «QTJ» UK», NKB Group, AlemAgro, Iron Plast Group, Jusan Mobile, Grata International, Bank Centercredit, Viled Group, Caspian Sea Support, Kazakh Speaking Club, Kusto Logistics, Zhebe Logistics sııaqty kompanııalar bar.

Bilim berý mekemeleri de bastamaǵa qosyldy, olardyń ishinde QazBSQA, HBK, Esil University, Zubanov University ýnıversıtetteri jáne Kau School, High Tech Academy mektepteri bar. Budan basqa, aı saıyn bastamaǵa búkil Qazaqstan boıynsha orta mektepterdiń muǵalimderi men oqýshylary da qoldaý bildirip keledi.

«Ulttyq sezim» uıymdastyrýshylarynyń aıtýynsha, jobanyń basty maqsaty – salt-dástúr men mádenı murany saqtap, taratý, ulttyq kıim qolóneri men naryǵyn damytý, sondaı-aq osy salada jumys isteıtin jas dızaınerler men qolónershilerge qoldaý kórsetý.