– О́zenderdiń muz keptelip qalatyn ýchaskelerinde profılaktıkalyq jarylys jumystary júrgizilip jatyr. Osy maqsatqa oblystyq rezervten 238 mln teńge bólindi. Ázirge profılaktıkalyq muz jarý jumystary Shemonaıha jáne Altaı aýdandarynda júrgizildi. Aımaqta 6 myń tonna ınertti materıal, 457 tonna janarmaı men 48 myń dana qap qory daıyndaldy. Sý tasqynynyń aldyn alý jumystary kestege saı júrgizilip jatyr, – deıdi E.Sársembınov.
Brıfıngte baıandalǵandaı, óńirde sý joldaryn qar men muzdan, qoqys qaldyqtarynan tazartý jumystary jalǵasyp jatyr. Keıingi málimetke sensek, oblys aýmaǵyndaǵy 72 kanaldyń 44-i (61 paıyz), 445 aryqtyń 227-si (51 paıyz), 277 kópirdiń 223-i (81 paıyz), sondaı-aq avtomobıl joldarynyń boıyndaǵy 1 735 sý ótkizý qurylysynyń 1 087-si (63 paıyz) men temirjoldardaǵy 90 sý ótkizgishtiń 14-i (16 paıyz) osyndaı jumystarmen qamtylǵan. Búginge deıin eldi mekender aýmaǵynan 204 myń tekshe metr qar syrtqa shyǵarylǵan.
– 2021-2023 jyldary sý tasqynyna qarsy is-sharalardyń Jol kartasy sheńberinde 384 mln teńgege 21 is-shara iske asyryldy. Sondaı-aq oblys bıýdjetinen profılaktıkalyq qar túsirý jumystaryna 32 mln teńge bólindi. Barlyq 132 gıdrotehnıkalyq qurylysqa baqylaý ornatyldy. Sý elektr stansalarynyń kaskady shtattyq rejimde jumys istep tur. Buqtyrma sý qoımasy tolymdylyǵynyń erkin kólemi jobalyq mólsherdiń 58 paıyzyn quraıdy. Iаǵnı tótenshe jaǵdaı kezinde sý qoımasy qosymsha mólsherde sý qabyldaı alady degen sóz. Jalpy alǵanda, oblystaǵy jaǵdaı turaqty, qaýipti aımaqtardaǵy ahýal táýlik boıy baqylaýda, – dep túıindedi sala mamany.
Baspasóz máslıhatynda aldaǵy kúnderge arnalǵan kún raıy boljamy da aıtyldy. «Qazgıdromettiń» Shyǵys Qazaqstan men Abaı oblystary boıynsha fılıaly gıdrologııa bóliminiń bastyǵy Ińkár Asqarovanyń málimetinshe, naýryzdyń ortasyna qaraı aımaqta turaqsyz aýa raıy saqtalady.
– Aldaǵy bir apta kóleminde oblysta qar aralas jańbyr jaýyp, kúndizgi jáne túngi aýa temperatýrasy tómendeıdi. Naýryzdyń ortasynda Altaı, Ulan, Shemonaıha, Glýbokoe, Katonqaraǵaı, Marqakól aýdandary men Rıdder qalasynda qalyń qar jaýady dep kútilip otyr. Al 14 pen 17 naýryz aralyǵynda ózge óńirlerdegi de aýa raıy jaýyn-shashyndy bolady. Tek 18-20 naýryzda jaýyn-shashynsyz aýa raıy boljanady, – dep málim etti I.Asqarova.
Onyń aıtýynsha, 12-17 naýryz aralyǵynda túngi aýa temperatýrasy +6-dan – 15 gradýsqa deıin tómendeıdi. Al kúndiz synap baǵanasy +10 men – 8 gradýs aralyǵynda aýytqıdy. Aıdyń úshinshi onkúndiginde jaýyn-shashyn kóbinese jańbyr men qar túrinde bolady, degenmen aýa temperatýrasy birtindep kóterile bastaıdy.
Shyǵys Qazaqstan oblysy
