Foto: Úkimet telegram arnasy
Premer-mınıstr Úkimet aldynda salyqtyq jáne kedendik ákimshilendirýdiń tıimdiligin arttyrý baǵytynda mańyzdy mindet turǵanyn, oǵan jetýdiń eń ońtaıly joly – barlyq prosesti barynsha sıfrlandyrý ekenin atap ótti.
«Buǵan deıin usynylǵan tásilderge qatysty oryndy syn aıtylǵan bolatyn. Bıznes pen qoǵam bul qujattan oń ózgerister kútýde. Eń bastysy, ol ashyq, bárine túsinikti jáne úılesimdi bolýy kerek. Alaıda Kodeksti ázirleý sozylyp barady. Bul jumysty jedel aıaqtaýdy tapsyramyn. Jańa kodekste azamattardyń memlekettik kirister organdarynyń jumysy men áreketsizdigine, qosylǵan qun salyǵyn qaıtarýdy keshiktirýge, mámilelerdi jaramsyz dep tanýǵa jáne t. b. máselelerge qatysty aryz-shaǵymdaryn eskerý kerek. Ákimshilendirýdiń servıstik modeline nazar aýdarý qajet», dedi O.Bektenov.
Sondaı-aq bıyl salyq jáne kedendik aqparattyq júıelerdi ıntegrasııalaý aıaqtalady. 14 júıeniń ornyna tek 5 júıe jumys isteıdi.
«Biz túbegeıli jańa biryńǵaı sıfrlyq júıeni ázirlep jatyrmyz. Ol ómirlik sıkldiń barlyq kezeńderinde bıznesti súımeldeýdiń servıstik modeline aınalady jáne kásipkerlerge túsetin ákimshilik júktemeni aıtarlyqtaı azaıtady», dedi Qarjy mınıstri.
