Án-kúı dýmanynda jańa baǵytta óńdelgen halyq jáne halyq kompozıtorlarynyń týyndylary, sondaı-aq ansambl músheleriniń avtorlyq shyǵarmalary oryndaldy. Al olardyń teatr akterlerimen jasaǵan shoý-kollaborasııasy kórermen kóńiline erekshe áser qaldyrdy.
Dırıjer M. Myrzaqulovanyń aıtýynsha, álemdik sahnadaǵy tájirıbesi men jetistiktiginiń arqasynda ansambl ár konsertine jańasha mazmun men sony sıpat berýge tyrysyp keledi. «Ujymnyń qurylǵanyna úsh-aq jyldyń bederi boldy. Alaıda osy qysqa ýaqyt ishinde ansambl birneshe halyqaralyq baıqaýlardyń jeńimpazy atandy. Ujymnyń Orta Azııany, qala berdi Eýropany babalar sazymen áýeletkeni – biz úshin úlken mártebe ári jaýapkershilik. Ansambl dástúrli án-kúılermen qatar, qazirgi zaman kompozıtorlarynyń shyǵarmalaryna da basa nazar aýdarady. Onyń ishinde ujymdaǵy avtorlardyń týyndylary kórermen qaýymnyń ystyq yqylasyna bólenip keledi», deıdi ol.
Rasynda solaı. Kórermenniń kúnnen-kúnge artyp kele jatqan qarasyn kórip, ansambldiń turaqty ári jeke aýdıtorııasy qalyptasqanyn basa aıta alamyz.
