Foto: primeminister.kz
Sońǵy kúnderi Aqtóbe oblysynda bolǵan sý tasqynynan 237 úı sýǵa ketti, 2870 adam ýaqytsha pýnktterge ornalastyryldy. О́ńirdegi apatty-qutqarý jumystaryna Qorǵanys mınıstrligi, Ulttyq gvardııa, Ishki ister mınıstrligi, turǵyn úı-kommýnaldyq kásiporyndarynan 1700 adam jumyldyryldy.
О́tken túnde erigen qar sýy jan-jaqtan quıylýy saldarynan Aqtóbe sý qoımasy kúrt tolǵan soń apatty jaǵdaı ornap, basy artyq sý jiberile bastady. Elek pen Qarǵaly ózenderi deńgeıinen asyp, jaǵalaýdaǵy turǵyn úılerge sý kirdi. Qazirgi ýaqytta qalaǵa erekshe qaýip tóndirgen Aqtóbe sý qoımasyndaǵy jaǵdaı turaqtandy. Onyń gıdrotehnıkalyq qondyrǵylarynan sekýndyna 1 myń tekshemetrden sý jiberilip jatyr.
Premer-mınıstrdiń birinshi orynbasary sý tasqynynan zardap shekken turǵyndardyń jaǵdaıyn arnaıy qurylatyn komıssııa qarastyratynyn, eger jergilikti bıýdjet qarjysy jetkiliksiz bolsa, respýblıkadan qajetti qoldaý kórsetiletinin málimdedi. Sondaı-aq tasqyn buzǵan jergilikti mańyzy bar joldar oblystyq bıýdjet esebinen, respýblıkalyq mańyzy bar joldar repýblıkalyq bıýdjet esebinen jóndeletinin aıtty. О́tken túni Samara-Shymkent avtokólik jolynyń 340-shy shaqyrymynda, Yrǵyz aýdany Qurylys eldi mekeniniń tusyndaǵy kópirdi sý shaıyp ketti. Qazir bul jerde kólikter óte almaı tur. 10-12 saǵattan keıin avtojoldyń zaqym kelgen bóliginde jol qozǵalysy qalpyna keltirilmekshi.
Keshe Aqtóbe qalasy men Muǵaljar, Qobda aýdandarynda, búgin Oıyl aýdanynda jergilikti deńgeıdegi tótenshe jaǵdaı jarııalandy. Alaıda óńirde sý tasqyny qaýpi áli seıilgen joq.
Aqtóbe oblysy
