Qaırat Satybaldyulynyń burynǵy jubaıyna qatysty tergeýmen Sybaılas jemqorlyqqa qarsy is-qımyl agenttigi aınalysty. Antıkor málimetinshe, Almaty tergeý sotynyń sanksııasy boıynsha Gúlmıra Satybaldy qamaýda otyr.
«Sybaılas jemqorlyqqa qarsy qyzmet G. Satybaldy men basqa adamdardyń Qazaqstan Qylmystyq kodeksiniń 126-baby 3-bóligi 3-tarmaǵy (Bas bostandyǵynan zańsyz aıyrý abaısyzda jábirlenýshiniń ólimine ne ózge de aýyr zardaptarǵa ákep soqsa), 194-baby 4-bóligi 2-tarmaǵy (Qorqytyp alý, asa iri mólsherde jasalsa) jáne 389-babtyń 4-bóliginde (О́zinshe bılik etý, osy baptyń ekinshi nemese úshinshi bólikterinde kózdelgen, aýyr zardaptarǵa ákep soqqan is-áreketter) kózdelgen qylmystyq quqyq buzýshylyqtar jasady degen kúdik boıynsha tergeýdi aıaqtady», dep jaýap berdi Sybaılas jemqorlyqqa qarsy is-qımyl agenttigi Tengrinews.kz saıtynyń resmı saýalyna.
Basqa aqparat jarııalaýǵa jatpaıdy.
