Lopbýrı Bangkokqa jaqyn jerde ornalasqan. Bul jer týrısterdi kóshede jaıbaraqat júretin kóptegen maımyldarymen qyzyqtyrady.
Degenmen, sońǵy ýaqytta maımyldar tym kóbeıip ketti. Maımyldar bir-birimen jappaı tóbeles uıymdastyrady. Tártipti qalpyna keltirý maqsatynda qalalyq polıseıler maımyldardy qorqytý úshin aıyrsadaqtarmen qarýlanǵan.
«Men maımyldardyń yqtımal qaýip-qaterin bilemin. Olar týrıster men jergilikti turǵyndarǵa qaýip tóndire bastady. Qazir bizdiń ofıserler alyp júrgen aıyrsadaqtar (rogatka) qajet kezde maımyldardy qorqytýǵa kómektesedi», dedi polısııa general-maıory Apırak Vechkankana.
Foto:twitter/@KhaosodEnglish
Onyń aıtýynsha, tipti maımyldarmen kúresetin arnaıy polısııa bólimshesi qurylady.
Ulttyq saıabaqtar, jabaıy tabıǵat jáne tabıǵatty qorǵaý departamentiniń qyzmetkerleri de eń kóp taralǵan makakalardy ustap alyp, olardy qaladan basqa jerge kóshirip jatyr.
