Osy jyldyń 27-28 naýryzynda Á.Tájibaev atyndaǵy Qyzylorda oblystyq ámbebap ǵylymı kitaphanasynda Qazaqstan Respýblıkasy Mádenıet jáne aqparat mınıstrliginiń Din isteri komıtetiniń qoldaýymen «Rýhanı jańǵyrý» qoǵamdyq qorynyń uıymdastyrýymen din máseleri boıynsha bilikti mamandardy daıyndaýǵa baǵyttalǵan is-shara ótti. Sharaǵa «Din zertteý ortalyǵynyń», meshitterdiń, orta jáne joǵary oqý oryndarynyń jáne t.b mamandary, ımamdary, psıhologtary men teologtary qatysty. Jıynda din máseleleri boıynsha túsindirý tobynyń músheleri – dintaný mamany Myrzaev Balǵabek Ábdiqaıymuly jáne Taldybaev Tólegen О́mirzaquly dáris oqydy.
Balǵabek Ábdiqaıymuly «Din men dástúr qundylyqtarynyń qoǵam tutastyǵyndaǵy orny» taqyryby aıasynda tyńdaýshylarǵa dinı sananyń erekshelikterin, dindarlyqtyń qurylymyn, jeke tulǵanyń jáne qoǵamnyń dinı damý aıyrmashylyqtaryn túsindirdi. Sondaı-aq «Dinı senim bostandyǵynyń quqyqtyq aspektileri men negizi baǵyttary týraly» taqyrybynda jalpy teorııalyq aqparat berip, qatysýshylarmen jumys jasady.
Tólegen О́mirzaquly «Áleýmettik jelide túsindirý jumystaryn júrgizýdiń mańyzdylyǵy» taqyrybymen qatysýshylarǵa qazirgi ǵalamtor arqyly jas órkenniń boıyna tárbıelik máni zor dúnıelerdi sińire bilý múmkindigin qamtamasyz etý, qazirgi ýaqytta jamaǵatpen baılanysty áleýmettik jeli arqyly ornatýdyń mańyzdylyǵy túsindirildi. Sondaı-aq «Áleýmettik jeliniń algorıtmderin meńgerý jáne tıimdi túsindirý jumystaryn júrgizý» taqyrybynda qatysýshylarǵa áleýmettik jelide jergilikti paraqshany júrgizý ádisterin úıretti.
Sonymen qatar semınarlar men trenıngter barysynda qatysýshylar tarapynan dáriskerlerge suraqtar qoıylyp, tujyrymdy jaýaptar alyndy.
