Foto: A.Baıjumanov
Shart saıası, saýda-ekonomıka, tranzıt-kólik, mádenı-gýmanıtarlyq, azamattyq qorǵanys jáne energetıka salasyndaǵy yntymaqtastyqty keńeıtýge baǵyttalǵan. Qujat sondaı-aq halyqaralyq arenada ózara is-qımyldy nyǵaıtýdy kózdeıdi. Taraptar sharttyń erejelerine sáıkes eki memlekettiń Parlamentteri, saıası partııalary men qoǵamdyq uıymdary arasyndaǵy baılanystardy nyǵaıtýǵa járdemdesedi.
Taraptar shartqa sáıkes syrtqy saıasat, qorǵanys jáne qaýipsizdik salalarynda, terrorızm, dinı ekstremızm, uıymdasqan jáne kıber qylmystar, zańsyz kóshi-qon, adam saýdasy, qarý-jaraq pen esirtkiniń zańsyz aınalymy sııaqty jańa syn-qaterler men qaýipsizdikke qarsy is-qımyl máselelerinde tyǵyz ózara is-qımyl jasaıdy.
Senatorlardyń aıtýynsha, zańnyń qabyldanýy Qazaqstan men О́zbekstannyń ekijaqty yntymaqtastyǵy men ózara is-qımylyn jańa deńgeıine shyǵarýǵa, sondaı-aq eki memlekettiń turaqty ekonomıkalyq damýyna múmkindik beredi.
Komıtet músheleri talqylaý nátıjesi boıynsha zańdy Palata otyrysynda qaraýǵa jiberý týraly sheshim qabyldady.
