Ol Atyraý qalasynyń týmasy. Eńbek jolyn 2006 jyly Atyraý munaı óńdeý zaýytynda tehnologııalyq qondyrǵylardyń operatory bolyp bastaǵan. Keıin zaýytta gıdrogenızasııalyq prosester aýysymynyń bastyǵy bolǵan.
«Fransııanyń munaı ınstıtýtynda (IFP School) biliktiligin arttyrǵannan keıin ol Atyraý munaı óńdeý zaýytyndaǵy jumysyn kásiporyndy jańǵyrtý jobasyn súıemeldeý tobynyń tehnologııa boıynsha bas mamany qyzmetinde jalǵastyrdy. 2010 jyldan KMG International kompanııasynda Petromıdııa zaýytynyń prosesterin jaqsartý jónindegi menedjeri, dırektordyń óndiris jónindegi orynbasary, Rompetrol Petrochemicals bas dırektorynyń birinshi orynbasary, Rompetrol Rafinare operasııalyq dırektory, Rominserv jáne Rompetrol Well Services kompanııalarynyń basshysy, Rompetrol Rafinare munaı óńdeý zaýytynda bas dırektordyń birinshi orynbasary – bas ınjener laýazymdarynda eńbek etti», dep habarlady «QazMunaıGaz» UK AQ baspasóz qyzmeti.
2023 jyldan beri «QazMunaıGaz» UK AQ munaı óńdeý jáne munaı hımııasy departamenti munaı óńdeý basqarmasynyń bastyǵy bolyp jumys istegen.
