Ǵ.Beısembaev ótken jyly Memleket basshysynyń qatysýymen ótken bas shahardy damytý máselelerine arnalǵan keńesten keıin Oqý-aǵartý mınıstrligi men Astana ákimdigi elordanyń bilim júıesin damytýdyń 2029 jylǵa deıingi jol kartasyn qabyldaǵanyn eske saldy. Bul qujatta osy salaǵa qatysty ózekti máseleler, sonyń ishinde úshaýysymdy oqytý problemasyn sheshý qamtylǵan.
«Bizdiń basty mindetimiz – balalarǵa barynsha qaýipsiz ári qolaıly jaǵdaı jasaý. Bul máselede elordanyń bilim júıesi ózge óńirlerge úlgi bolýǵa tıis. Mınıstrlik óz tarapynan negizgi mindetterdi sheshýde qala ákimdigin qoldaýdy jalǵastyrýǵa daıyn. Birlesken jumystyń arqasynda byltyr 12 jańa mektep ashyldy. Onyń 10-y mınıstrliktiń qoldaýymen paıdalanýǵa berildi. Bıyl taǵy 27 mektep salynady. Infraqurylymdy damytýmen qatar joǵary bilikti kadrlarmen qamtamasyz etý máselesi de sheshiledi. Elordalyq 18 pedagog kadr rezervine kirdi, 7 pedagog basshylyq laýazymǵa taǵaıyndaldy», dedi ol.
Búginde bas qalada 175 jalpy bilim beretin mektep, 550 balabaqsha, 33 kolledj jumys isteıdi. Mınıstr kezdesý aıasynda bilim uıymdarynyń jumysymen tanysyp, balalarmen sóılesti. Sabaqtarǵa qatysty. Muǵalimdermen kezdesýinde Ǵ.Beısembaev pedagogterdi qoldaý aldaǵy ýaqytta da jalǵasatynyn aıtty. Mınıstr óz sózinde pedagogterdiń densaýlyǵyn nyǵaıtýǵa, biliktiligin arttyrý úshin shetelde tájirıbe almasyp, taǵylymdamadan ótýine erekshe nazar aýdarylatynyn jetkizdi.
