Kóp túkirse – kól

Búginde Ulttyq volonterler jeli­si jedel shtabynyń jumysy aıasyn­da elimizdegi 20 aımaqta óńirlik volonterler front-keńsesi bazasynda Call center quryldy. Oǵan qosa gýmanıtarlyq kómek jınaý pýnktteri uıymdastyrylǵan. Kómek jınaý pýnkt­terine 20 myń volonter jumyl­dy­rylypty. Olar kúndelikti saýda oryndaryn aralap, jomart jú­rek kásip­kerler tegin bergen zattar­dy oblystyq jastar resýrstyq ortalyǵyna jetkizip jatyr. Sol jerde suryptap, qorap nemese qapshyqqa salady.

– Pýnkt ázirge toqtaýsyz jumys isteıdi. Respýblıkalyq chatymyz bar. Biz olarmen tikeleı baılanystamyz. Qandaı zattar kerek ekeni sol chatta aıtylady. Bul jerde jańa týǵan perzentten bastap, úlken adamǵa deıin arnalǵan kıimder tapsyrylyp jatyr. Aıaqkıim, ártúrli sómke, kanselıarııaly taýarlardy da qabyldaımyz, – dedi Mańǵystaý oblystyq Jastar resýrstyq ortalyǵynyń basshysy Gúlmıra Burhandınova.

Jalpy salmaǵy eki tonnadan asa­tyn gýmanıtarlyq kómek taıaý kúnde­ri kórshi oblystarǵa temirjolmen jiberiledi. Qala halqy da saýapty isten qalys qalmaı, júk qabyldaý pýnkti­ne gıgıenalyq buıymdar men taza kıim­derdi ákelip jatyr.