Foto: Qostanaı oblysynyń ákimdigi
Ákimdik qyzmetkerleri men jedel shtab músheleri sý tasqyny bolýy múmkin jerlerde non-stop rejıminde kezekshilik atqaryp júr. Oqıǵa ornyna barǵan Serik Bekturǵanov olarmen sý tasqynyna qarsy is-qımyl jáne zardap shekkenderge kómek kórsetý tetikterin talqylady. Ol eriktilerge rızashylyǵyn bildirip, kómegi úshin alǵys aıtty.
«Gıdrologııa mamandary mundaı sý tasqyny kópten beri bolmaǵanyn aıtyp jatyr. Biraq qazirgi jaǵdaıda sý tasqyny neden bolǵanyn emes, odan halyqty qalaı qutqaratynymyzdy oılaý qajet. Memleket basshysy Qasym-Jomart Toqaev pen Úkimet basshysy Oljas Bektenov zardap shekkenderge kómek kórsetý baǵdarlaryn naqty belgilep berdi. Materıaldyq kómekke muqtaj adamdar ony dereý alady. Biz, qostanaılyqtar, Áýlıekól aýdanynda bolǵan órt kezinde Prezıdentimizdiń tapqyrlyǵyna kýá bolǵan edik. Ol dereý oqıǵa ornyna ushyp, halyqty tynyshtandyrdy, al zardap shekkenderge qajetti kómek kórsetildi. Bul joly da barlyǵy oıdaǵydaı bolady. Halyqqa keltirilgen shyǵyn mindetti túrde óteledi», dedi Ulttyq quryltaı múshesi.
Serik Bekturǵanov osynaý qıyn sátte el arasynda ózara túsinistik pen birlik tek nyǵaıýy kerek ekenin alǵa tartty.
