Bir kún buryn Tobyl ózeni deńgeıiniń aıtarlyqtaı kóterilýine baılanysty Tobyl jáne Qostanaı qalalarynda eldi mekenderdi sý basý qaýpi týyndady. Qazirgi ýaqytta oblys boıynsha 3132 adam qutqarylyp, evakýasııalandy, onyń ishinde 943-i balalar.
Mınıstr oblys ákimimen birge evakýasııalaý pýnktterin, sý basqan aýmaqtardy aralap, Tobyl ózenindegi bógetterdiń jaǵdaıyn kórdi. Qaýip-qaterge jedel den qoıý jáne turǵyndardyń qaýipsizdigin qamtamasyz etý úshin oblystyq jedel shtab barynsha qarqynmen jumys isteýde.
Jumys sapary barysynda basqarma basshysy oblys ákimi Qumar Aqsaqalovpen birge evakýasııalaý pýnktterin, sý basqan aýla aýmaqtaryn aralap, Qostanaı oblysyndaǵy Koreı kópirindegi bógetterdi aralap kórdi.
Ýaqytsha ornalastyrý ortalyqtarynda 628 adam bolsa, onyń 208-i balalar. 66 turǵyn úı men aýla aýmaqtary sý astynda qalyp otyr. Qaýipti eldi mekender qatarynda «Sadovod» saıajaı qoǵamy, Krasnyı Kýznes jáne Narımanov aýdanynyń tómengi bóligi.
Mınıstr tótenshe jaǵdaılar qyzmetine halyqty qorǵaý jáne sý tasqynynyń yqtımal saldaryn azaıtý úshin qajetti sharalardy qabyldaýdy tapsyrdy.
О́ńirde Qostanaı, Rýdnyı, Arqalyq qalalary men Amangeldi, Jangeldi, Qarasý, Qarabalyq, Denısov jáne Qostanaı aýdandarynda tótenshe jaǵdaı rejimi engizilgen.
