Foto: atr.kz
«Qazir elimizdiń kóptegen óńirlerinde sý tasqyny júrip, adamdar zardap shegip jatyr. Osyny estip, kórip otyrǵan Mańǵystaý halqy da únsiz qalmady. Qazir qor qurylyp, qarajat jınalyp jatyr. Jáne óńirimizdiń ár azamaty zardap shegip jatqan aǵaıynǵa qadarı-hálinshe kómek kórsetip jatyr. Qazir biz Dostyq úıiniń janynda turmyz. Osyndaǵy Assambleıa úıi qyzmetkerleri jınaǵan gýmanıtarlyq kómegin Beıneý aýdanyna jóneltkeli jatyrmyz. Bul jerde negizinen azyq-túlikter men tósek jabdyqtary bar. Sebebi, Qulsary qalasyn sý alýyna baılanysty qala halqynyń basym bóligi Beıneýge evakýasııalandy. Bul kómek sý tasqynynan zardap shekken Atyraý halqy úshin jınaldy. Ári qaraı da bul ıgilikti sharalar jalǵasyn tabady», dedi MO Qazaqstan Halqy Assambleıa úıi janyndaǵy Aqsaqaldar keńesiniń tóraǵasy Ońaıbek Ábdilov.
Mańǵystaý óńirinen kórshi oblys turǵyndaryna kómek tolastar emes.
«Qazir Qulsary qalasynan Beıneýge 8 myńnan astam adam evakýasııalandy. Keı aýdandarda úıler tolyǵymen sý astynda qaldy. Sondyqtan adamdar kómekke muqtaj. 1 sáýir kúni birinshi gýmanıtarlyq kómek jiberildi. Búgin ekinshi aýyr júk kóligi attanyp bara jatyr. Osy oraıda Mańǵystaý turǵyndaryna úlken raqmetimdi bildirgim keledi. Bul aksııa «Júrekten júrekke» dep atalady», dedi Mańǵystaý oblystyq máslıhatynyń depýtaty, oblys ákiminiń Qazaqstan halqy Assambleıasy máseleleri jónindegi orynbasary Irına Belıaeva.
