Premer-mınıstrdiń orynbasary Aqtóbe oblysymen shekara aýmaǵyn tikushaqpen sholyp ótti. Jem ózenindegi zaqymdalǵan bógettiń jaǵdaıyna baǵa berdi. Keshe onyń buzylýy nátıjesinde Qulsary qalasynyń ekinshi jáne úshinshi ýchaskeleri, sondaı-aq «Jadyrasyn-2», «Bolashaq», «Vahtalyq kent» shaǵyn aýdandary, «Qaraǵaı» eldi mekeni sý astynda qaldy.
Búgin, 6 sáýirdegi jaǵdaı boıynsha Atyraý oblysynyń úsh aýdanynda kúrdeli sý tasqyny jaǵdaıy saqtalyp otyr. Eki eldi mekenge kólikpen qatynaý múmkin emes.
Qulsary qalasynda 2,6 myń jeke turǵyn úı men ákimshilik ǵımarat sý astynda qalǵandyqtan 5 sáýirden beri qaýipti aımaqtan 15 632 adam shyǵaryldy. Turǵyndardy evakýasııalaý jalǵasyp jatyr.
Qazir jaǵalaýdy nyǵaıtý úshin topyraq toltyrylǵan 45,9 myń qap, 174,3 myń tonna ınertti materıal tóseldi. 5 sáýirde Kaspıı teńizine qaraı sý ótkizý qabiletin arttyrý úshin Jem ózeninde muz jarý jumystary júrgizildi. Taǵy bir ret muz jarý josparlanǵan.
Ákimdik pen kúshtik qurylymdardyń 600-ge jýyq qyzmetkeri, 148 tehnıka, 2 júzý quraly jáne 500 erikti jumyldyryldy.
О́ńirdiń 5 eldi mekende – Mııaly, Jangeldın, Kózdiqara aýyldyq okrýgteri, Aqqora, Jasqaırat aýyldarynda qaýip-qater seıildi.
